ئاسایشی سلێمانی لەبارەی دەستگیرکردنی تۆمەتبارێکەوە روونکردنەوە دەدات
وێستگەنیوز-
بەڕێوەبەرایەتیی ئاسایشی پارێزگای سلێمانی لەبارەی دەستگیرکردنی تۆمەتبارێکەوە روونکردنەوەیەکی بڵاوکردەوە.
لە راگەیەندراوەکەدا هاتووە، "ئەمڕۆ هەینی 20ی حوزەیرانی 2025، کاتژمێر 4:30 خولەک شۆفێری ئەو ئۆتۆمبێلەی دەستگیرکرد کە لەشەقامی گشتی بەردەم پارێزگای سلێمانی بەئۆتۆمبێل لەهاوڵاتییەک دەدات و هەڵدێت، ڕووداوەکە دەبێتە هۆی گیان لەدەستدانی هاوڵاتیەکە".
ئاماژە بەوەکراوە، "بەڕێوەبەرایەتی ئاسایشی پارێزگای سلێمانی، بەبڕیاری دادوەری لێکۆڵینەوەی ئاسایش بەدواداچوون و لێکۆڵینەوەیان ئەنجامدا، توانرا تۆمەتباری ڕووداوەکە دەستگیربکرێت".
باسی لەوەشکرد، "دواتر بەپێی تایبەتمەندی کەیسەکە، تۆمەتبار ڕادەستی بەڕێوەبەرایەتی پۆلیسی پارێزگای سلێمانی دەکرێتەوە".
PM:07:37:20/06/2025
ئه‌م بابه‌ته 432
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت