عەبدوڵڵا حاجی مەحموود: تازە جەژنە و ئەستەمە مووچە دابین بکرێت
وێستگەنیوز_
ئەمرۆ ئەنجوومەنی وەزیرانی هەرێمی کوردستان بە سەرپەرشتیی مەسرور بارزانی، سەرۆکی حکومەت و ئامادەبوونی قوباد تاڵەبانی، جێگری سەرۆک وەزیران کۆبووەوە و پرسی مووچە بابەتی سەرەکیی کۆبوونەوەکە بوو. عەبدوڵڵا حاجی مەحموود، وەزیری کاروباری شەهیدان و ئەنفالکراوان دەڵێت، "گفتوگۆی چڕوپڕ لەسەر مووچە لەسەر کرا".
عەبدوڵڵا حاجی مەحموود رایدەگەیەنێت: "لە کۆبوونەوەکەدا دووپاتکرایەوە کە حکومەتی هەرێمی کوردستان بەردەوام دەبێت لە کارکردن بۆ بەدەستهێنانی شایستە داراییەکانی هەرێمی کوردستان لەڕووی یاسایی و دەستوورییەوە، ئەگەر پێویستی کرد لەدوای پشووەکانی جەژن رێکاری دەستووری دەگیرێتەبەر."
ئاماژی بەوەشکرد، هەموو وەزیرەکانی حکومەت لەسەر دابینکردنی شایستە داراییەکانی هەرێمی کوردستان و بەدەستهێنانی مافەکان بەپێی دەستوور و یاسا، یەک دەنگ بوون.
سەبارەت بە دابینکردنی مووچە پێش جەژن، عەبدوڵڵا حاجی مەحموود باسی لەوە کرد، "تازە جەژنە و ئەستەمە مووچە دابین بکرێت."
PM:01:42:04/06/2025
ئه‌م بابه‌ته 320
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت