شاناز ئیبراهیم ئەحمەد لە رۆژی زمانی کوردی: باوکی کۆچکردووم پەیوەست و دڵبەندی زمانی دایک بوو
وێستگەنیوز_
شاناز ئیبراهیم ئەحمەد، خانمی یەکەمی عێراق لە رۆژی زمانی کوردی'ـدا دەڵێت: "لە رۆژی زمانی کوردیدا یادی باوکی کۆچکردووم مامۆستا ئیبراهیم ئەحمەد ئەکەمەوە کە پەیوەست و دڵبەندی زمانی دایک بوو".
دەقی راگەیەندراوەکەی خانمی یەکەمی عێراق:
لە رۆژی زمانی کوردیدا یادی باوکی کۆچکردووم مامۆستا ئیبراهیم ئەحمەد ئەکەمەوە کە پەیوەست و دڵبەندی زمانی دایک بوو لە بەرهەمە ئەدەبی و رۆژنامەوانییە دەوڵەمەندەکانیدا.
باوەڕی تەواوی وابوو پاراستنی زمانەکەمان بۆ زامنکردنی ناسنامە و بەهێزکردنی کۆدەنگیمان پێویستە.
ڕۆمانی (ژانی گەل) یەکێکە لە شاکارەکانی کە بە زمانێکی بەرزەفڕ تێکۆشانی کورد لە ناسەقامگیرترین قۆناغەکانی عێراق دەگێڕێتەوە.
رۆمانەکە کرۆکی خۆڕاگری و گرنگیی پاراستنی میراتی رۆشنبیریمان دەخاتەروو لەو نێوەندەدا گەشتەکەی جوامێر گوزارشتی تەواو لە پەرۆشی گەلەکەمان دەکات.
لەم سەردەمی بەربڵاویی سۆشیال میدیا کە بەردەوام گۆڕانکاری لە پێکهاتەی پەیوەندییەکاندا دەکات، لەگەڵ تەشەنەسەندنی فەرامۆشی زمان لە هەندێ دامەزراوە پەروەردەییە تایبەتەکاندا، دەبێ چاوکراوەتربین تا زمانی دایکمان ون نەکەین.
AM:10:29:15/05/2025
ئه‌م بابه‌ته 312
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت