به‌ره‌ی گه‌ل: ئه‌مڕۆ ته‌مه‌نی رۆژنامه‌گه‌ری كوردی، مه‌ڵۆیه‌كی تر ده‌خاته سه‌ر خه‌رمانی كاره‌كانی
وێستگه‌نیوز –
به‌ره‌ی گه‌ل رایگه‌یاند كه ئه‌مڕۆ ته‌مه‌نی رۆژنامه‌گه‌ری كوردی، مه‌ڵۆیه‌كی تر ده‌خاته سه‌ر خه‌رمانی كاره‌كانی، ده‌شڵێت: "ئه‌و به‌رپرسانه‌ی رێگرن له‌به‌رده‌م ئازادی میدیاكاران، به‌قسه‌ی سواو پیرۆزبایی له رۆژنامه‌نووسان، ده‌كه‌ن".
ئه‌مڕۆ سێشه‌ممه به‌ره‌ی گه‌ل لە یادی 127 ساڵەی رۆژنامەگەریی کوردیدا راگه‌یه‌ندراوێكی بڵاوكرده‌وه و تیایدا هاتووه كه "ئه‌مرۆ ته‌مه‌نی رۆژنامه‌گه‌ری كوردی، مه‌ڵۆیه‌كی تر ده‌خاته سه‌ر خه‌رمانی كاره‌كانی. ئه‌و خه‌رمانه كاریگه‌ر و گرنگه‌ی كه‌په‌یوه‌ندی دراماتیكی به‌ژین و ژیانی كۆمه‌ڵگه‌ی كوردستانه‌وه هه‌یه و ئه‌گه‌ر به پیشه‌یی زه‌مینه‌ی بۆ خۆش بكرێت، ئه‌وا به‌مانا راسته‌قینه‌كه‌ی ده‌بێته ده‌سه‌ڵاتی چواره‌م".
به‌ره‌ی گه‌ل ده‌ڵێت: " له‌كاتێكدا یادی 127 ساڵه‌ی رۆژنامه‌گه‌ری كوردی به‌رزده‌نرخێنین، به‌داخه‌وه وه‌ك ڕۆژی رووناك ده‌بینین ئه‌و به‌رپرسانه‌ی كه هۆكار و رێگرن له‌به‌رده‌م ئازادی میدیاكاران و كاره‌كانیان ، له‌م یاده‌دا دێن به‌قسه‌ی ته‌قلیدی و سواو پیرۆزبایی له رۆژنامه‌نووسان، ده‌كه‌ن".
راشیگه‌یاندووه كه "ئێمه له‌به‌ره‌ی گه‌ل، له‌م یاده‌دا دروود و ده‌ستخۆشی ده‌نێرین بۆ گیانی قه‌ڵه‌مه ئازا و ، ئازاده‌كانی دنیای رۆژنامه‌گه‌ری كوردی هه‌رله‌میقداد به‌درخانه‌وه تائه‌وانه‌ی ئه‌مڕۆمان كه له‌به‌گژاچوونه‌وه‌ی نادادی و سته‌م و گه‌نده‌ڵی ماندوو نابن و خه‌بات ده‌كه‌ن بۆ ده‌رخستنی راستیه‌كان و پێشكه‌وتنی كۆمه‌ڵگه‌ی كوردستان".
PM:02:41:22/04/2025
ئه‌م بابه‌ته 924
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت