مەسعود بارزانی و شاندێکی باڵای تورکیا کۆبوونەوە
وێستگەنیوز-
ئەمڕۆ هەینی 18ی نیسانی 2025، لە سەلاحەدین مەسعود بارزانی، سەرۆکی پارتی دیموکراتی کوردستان پێشوازی لە د. نوح یەلماز، جێگری وەزیری دەرەوەی تورکیا و شاندێکی یاوەری کرد کە پێکهاتبوو لە ئانیل بۆرا ئینان، باڵیۆزی تورکیا لە عێراق و ئیرمان توپچوو، کونسوڵی تورکیا لە هەولێر و ژمارەیەک دیپلۆماتکاری تورکیا.
بەپێی راگەیەندراوی بارەگای بارزانی بێت، لەدیدارەکەدا گفتوگۆ لەبارەی بارودۆخی ناوخۆی هەرێم و هەنگاوەکانی پێکهێنانی کابینەی نوێی حکوومەتی هەرێمی کوردستان کرا و رۆشنایی خرایە سەر پەیوەندییەکانی نێوان هەرێم و بەغدا.
ئاماژە بەوەکراوە، هەر لەو دیدارەدا بیروڕا لەبارەی بارودۆخی سیاسیی ناوچەکە و ئەگەر و پێشهاتەکان لە داهاتووی ناوچەکە بە گشتی ئاڵوگۆڕ کرا.
ئەوەشخراوەتەڕوو، پەیوەندییەکانی نێوان هەرێمی کوردستان و تورکیا و پەرەپێدانی دۆستایەتیی نێوان هەردوولا و پڕۆسەی چارەسەری و ئاشتی لە تورکیا تەوەری تری ئەو دیدارە بوون.
PM:04:22:18/04/2025
ئه‌م بابه‌ته 388
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت