تۆڕێکی بڵاوکردنەوە و بازرگانیکردن بە مادەی هۆشبەر دەستگیرکران

وێستگەنیوز-

بەڕێوەبەرایەتی نەهێشتنی مادە هۆشبەرەکان دەستگیر کردنی ئەندامانی تۆڕێکی بڵاوکردنەوە و بازرگانیکردنی بە مادەی هۆشبەر راگەیاند.

ئەمڕۆ پێنجشەممە 17ی نیسانی 2025، بەڕێوەبەرایەتیی نەهێشتنی مادە هۆشبەرەکان رایگەیاند، "لە ناو شاری هەولێر تۆڕێکی بڵاوکردنەوە و بازرگانی بە مادەی هۆشبەریان دەستگیر کرد کە پێکهاتوون لە پێنج کەس، دەستیشیانگرتووە بەسەر نزیکەی شەش کیلۆگرام ماریجوانا".

ئاماژە بەوەکراوە، "دەستگیرکردنی ئەم تۆڕە تەواوکەری ئەو تۆڕەیە، کە پێشتر لە راگەیندراوی پێشووی بەڕێوەبەرایەتیمان بڵاومانکردووەتەوە کە تیایدا دوو تۆمەتبار و نزیکەی دوو کیلۆگرام لە هەمان مادە دەستی بەسەردا گیرا بوو".

لە راگەیەندراوی بەڕێوەبەرایەتییەکەدا هاتووە، "ئەم تۆڕە مەترسیدارییەکەیان لەوەدا بوو کە پێکهاتەکەیان لە کەسانی عەرەب و کورد پێکهاتبوون و ژنیان بەکاردەهێنا بۆ فێرکردنی منداڵ و گەنج و لاوی پارەدار و پاشان فرۆشتنی ئەم مادە هۆشبەرە پێیان بەو نرخەی کە خۆیان دەیانویست".

PM:06:29:17/04/2025

ئه‌م بابه‌ته 408 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت