کەشناسی: باران دەبارێت و پلەی گەرما نزم دەبێتەوە
وێستگەنیوز_
کەشناسیی هەرێمی کوردستان رایگەیاند، ئەمڕۆ لە ناوچەکانی هەرێمدا بەگشتی ئاسمان نیمچەهەور بۆ هەوری تەواو دەبێت، لەگەڵ تاوەبارانی پچڕپچڕ و سبەین رێژەی بارانبارین لە سنووری سلێمانی زیاد دەکات.
بەڕێوەبەرایەتیی گشتیی کەشناسی و بومەلەرزەزانیی هەرێمی کوردستان دەڵێت: "ئەمڕۆ چوارشەممە ئاسمان بە گشتی نیمچەهەور بۆ هەورى تەواو دەبێت لەگەڵ تاوەبارانی پچڕپچڕ و هەندێک جار هەورەبروسکەشی لەگەڵدا دەبێت بە تایبەتى لە سنوورى پارێزگاى هەولێر و دهۆک، پلەی گەرمی لە تۆمارکراوەکانی دوێنێ نزیک دەبێتەوە".
ئاماژەی بەوەشکردووە، سبەی پێنجشەممە لە زۆربەى کاتەکاندا ئاسمان هەورى تەواو دەبێت لەگەڵ بارانی پچڕپچڕ و هەندێک جار هەورەبروسکەشی لەگەڵدا دەبێت. هەروەها رێژەى دابارین لە سنوورى پارێزگاى سلێمانى زیاتردەبێت، پلەی گەرمی بە 4 بۆ 6 پلەى سیلیزى بەراورد بە تۆمارکراوەکانی ئەمڕۆ نزمدەبێتەوە.
بەرزترین پلەی گەرمیی پێشبینیکراو بە پلەی سیلیزی:
هەولێر : 24 پلەی سیلیزی
سلێمانی : 22 پلەی سیلیزی
دهۆک : 22 پلەی سیلیزی
کەرکوک : 30 پلەی سیلیزی
زاخۆ : 21 پلەی سیلیزی
هەڵەبجە : 25 پلەی سیلیزی
سۆران : 21 پلەی سیلیزی
حاجی ئۆمەران : 15 پلەی سیلیزی
گەرمیان :33 پلەی سیلیزی
PM:12:34:09/04/2025
ئه‌م بابه‌ته 496
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت