زانیاریی نوێ لەبارەی مووچەی مانگی چواری فەرمانبەرانی هەرێمەوە گەیشت

وێستگەنیوز-

نوێنەری حكومەتی هەرێمی کوردستان لەبارە دروستبوونی کێشە بۆ مووچەی مانگی چوار بەهۆی رادەستنەکردنی داهاتی ناوخۆ روونکردنەوە دەدات.

ئەمڕۆ شەممە 5ی نیسانی 2025، فارس عیسا، نوێنەری حکومەتی هەرێمی کوردستان لە بەغدا رایگەیاند، "کێشەی مووچەی مانگی نیسانی فەرمانبەرانی هەرێم چارەسەرکراوە".

ئەمەش لە کاتێکدایە، تا ئێستا حکومەتی هەرێم داهاتی نانەوتی و تەرازووی پێداچوونەوەی مانگی سێ-ی نەناردووە بۆ بەغدا.

هەروەها هیوا ئەفەندی، سەرۆکی فەرمانگەی زانیاری حکومەتی هەرێمی کوردستان رایگەیاند، "سبەینێ یەکشەممە دەست دەکرێت بە ئامادەکردنی لیستی مووچەی مانگی چوار و لەماوەی دوو بۆ سێ رۆژ لیستی مووچەی فەرمانبەران تەواو دەبێت و تەنها لیستی مووچەی خانەنشینان زیاتری پێدەچێت".

ئاماژەی بەوەکرد، "دوای تەواوبوونی لیستەکە وەک مانگەکانی پێشوو بێ کەموکورتی رەوانەی بەغدا دەکرێت".

PM:08:46:05/04/2025

ئه‌م بابه‌ته 556 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت