نەوەی نوێ داوای قەرەبووکردنەوەی کاسبکارانی دارەسوتاوەکە دەکات

وێستگەنیوز-

دوای رووداوی ئاگرکەوتنەوەکەی بازاڕی دارەسوتاوەکەی شاری سلێمانی فراکسیۆنی نەوەی نوێ سەردانی شوێنی رووداوەکەیان کرد.

خۆشی فەرەیدون عومەر، ئەندامی پەرلەمانی کوردستان لە فراکسیۆنی نەوەی نوێ راگەیاند، "ئەمڕۆ شەممە 5ی نیسانی 2025، وەک فراکسیۆنی نەوەی نوێ سەردانێکی مەیدانیمان کرد بۆ شوێنی رووداوی ئاگرکەوتنەوەکەی ناوبازاڕی سلێمانی، لەگەڵ ژمارەیەک لەو کەسانە گفتوگۆمان کرد و گوێمان لە داواکاریەکانیان گرت، ئازارەکان زۆرن و زیانەکان زۆرن".

ئاماژەی بەوەکرد، داوا لە حکومەتی خۆجێی و لایەنە پەیوەندیدارەکان دەکەین کە دەستبەجێ کار بکەن بۆ :

1- قەرەبووکردنەوەی دارای ئەوانەی زیانیان بەرکەوتووە بە زووترین کات.

2- بەهێزکردنی رێکارەکانی سەلامەتی و ڕێگریکردن لە دووبارەبوونەوەی ئەو جۆرە کارەساتانە.

3- پێشکەشکردنی پاڵپشتی دەروونی و کۆمەڵایەتی بۆ خاوەن دوکان و کرێکاران.

4- نۆژەنکردنەوە و ئاوەدانکردنەوەی بازاڕەکە بە گوێرەی ستانداردە مۆدێرنەکان.

ئەو پەرلەمانتارە وتیشی، "ئەم خەڵکە ساڵانێکە بۆ بنیاتنانی بژێوی ژیانیان زۆر ماندوو بوون و دروست نییە لەم هەلومەرجەدا بە تەنیا جێیان بهێڵین و هەموو کارێک ئەکەین بۆ گەیاندنی دەنگیان و جێبەجێ کردنی داواکاریەکانیان".

PM:08:32:05/04/2025

ئه‌م بابه‌ته 400 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت