د. نه‌رمین مه‌عروف: هه‌وڵ ده‌ده‌ین عێراق قه‌ره‌بووی به‌شێك له زیانه‌كانی بازاڕی داره‌سووتاوه‌كه بكاته‌وه
وێستگه‌نیوز-
د. نه‌رمین مه‌عروف ئه‌ندمی ئه‌نجومه‌نی نوێنه‌رانی عێراق له‌سه‌ر فراكسیۆنی یه‌كێتی رایگه‌یاند كه هه‌موو هه‌وڵێك ده‌ده‌ین حكومه‌تی فیدڕاڵ قه‌ره‌بووی به‌شێك له زیانه‌كانی بازاڕی داره‌سووتاوه‌كه بكاته‌وه.
له راگه‌یه‌ندراوێكدا د. نه‌رمین مه‌عروف ده‌ڵێت: "زۆر دڵگرانم به رووداوی ئاگركه‌وتنه‌وه‌ی ئه‌م به‌یانییه‌ی ناوبازاڕی سلێمانی كه‌بۆته هۆی سووتان و زیانێكی مادی گه‌وره بۆ نزیكه‌ی 150 دوكان..".
نووسیویشیه‌تی: "ده‌ستخۆشیم بۆ تیمه‌كانی به‌رگری شارستانی و لایه‌نه په‌یوه‌ندیداره‌كان بۆ به‌په‌له به‌ده‌مه‌وه‌هاتنی رووداوه‌كه و زوو كۆنتڕۆڵكردنی ئاگره‌كه .. سوپاس بۆ خوای گه‌وره كه زیانی گیانی لێنه‌كه‌وتۆته‌وه".
ئه‌و په‌رله‌مانتاره راشیگه‌یاندووه كه "بۆ زیانه مادی و داراییه‌كان هه‌موو هه‌وڵێك ئه‌ده‌ین تا حكومه‌تی فیدڕاڵ له بودجه‌ی یه‌ده‌گی له‌ناكاو ( إحتیاگی الگوارئ ) قه‌ره‌بووی به‌شێك له‌و زیانانه بكاته‌وه..".
به‌ره‌به‌یانی ئه‌مڕۆ شه‌ممه ئاگرێكی گه‌وره له بازاڕی داره‌سوتاوه‌كه‌‌ی شاری سلێمانی كه‌وته‌وه و چه‌ندین دوكان سوتاون.
PM:03:54:05/04/2025
ئه‌م بابه‌ته 324
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت