مامۆستایه‌ك خنكا
وێستگه‌نیوز-
به‌رێوه‌به‌رایه‌تی به‌رگری شارستانی ئیداره‌ی سۆران رایگه‌یاند كه كچێك كه به‌مه‌به‌ستی گه‌شت و سه‌یران له‌گه‌ڵ خانه‌واده‌كه‌ی رویان له سنوری قه‌زای مێرگه‌سۆر كردبوو، له ده‌ریاچه‌ی ته‌نكاتور له نزیك شانه‌ده‌ر خنكا.
به‌رگریی شارستانی سۆران له راگه‌یه‌ندراوێكدا بڵاویكرده‌وه كه ئاگاداركرانه‌وه به بوونی روداوێكی خنكان له گوندی ته‌نكاتور له‌نزیك شانه‌ده‌ر له پردی رێزان كه ده‌كه‌وێته سنوری قه‌زای مێرگه‌سۆر.
به‌وته‌ی وته‌بێژی به‌رگریی شارستانی سۆران، ئه‌و كه‌سه‌ی خنكاوه له‌گه‌ڵ خانه‌واده‌كه‌ی رویان له‌و ناوچه‌یه كردووه به‌مه‌به‌ستی گه‌شت و سه‌یران، به‌ڵام له قه‌راغ ئاوه‌كه خلیسكاوه و به‌وهۆیه‌وه كه‌وتۆته ناو ده‌ریاچه‌كه‌وه.
وه‌ك ئه‌وه‌ی به وێستگه گه‌یشتووه، ئه‌و كچه ناوی ( ئاڤێستا یوسف بەرزنجی)یه و تەمەنی 27 ساڵه و پیشەی مامۆستا بووه.
له ئێستاشدا تیمه‌كانی رزگاركردن له به‌شی پۆلیسی به‌رگری شارستانی قه‌زای مێرگه‌سۆر و چه‌ند تیمێكی دیكه گه‌یشتونه‌ته شوێنی روداوه‌كه و له‌هه‌وڵدان بۆ دۆزینه‌وه‌ی.
PM:03:04:05/04/2025
ئه‌م بابه‌ته 508
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت