كه‌ش و هه‌وای دوو رۆژ راگه‌یه‌ندرا
وێستگه‌نیوز-
به‌ڕێوه‌به‌رایه‌تی كه‌شناسی سه‌ر به وه‌زاره‌تی گواستنه‌وه‌ی هه‌رێم رایگه‌یاند كه ئه‌مڕۆ ئاسمان به گشتی ئاسمان هه‌وری باراناوی ده‌بێت، له دره‌نگانی شه‌ودا كه‌ش سه‌قامگیر ده‌بێت و كاریگه‌ری ئه‌م شه‌پۆله كۆیایی دێت و پله‌كانی گه‌رما نزمده‌بنه‌وه.
به‌ڕێوه‌به‌رایه‌تی كه‌شناسی هه‌رێم له راگه‌یه‌ندراوێكدا ئاماژه‌ی به‌وه‌دا كه "ئه‌مڕۆ شه‌ممه 5ی نیسانی 2025 ئاسمان به‌گشـتی هه‌وری باراناوی ده‌بێت له زۆربه‌ی ناوچه‌كان، له هه‌ندێ كات و شوێن دابارین به شێوه‌ی لێزمه باران و هه‌وره تریشقه‌ی له‌گه‌ڵدایه، له دره‌نگانی شه‌ودا كه‌ش سه‌قامگیر ده‌بێت كاریگه‌ری ئه‌م شه‌پۆڵه كۆیایی دێت".
كه‌شناسی ده‌ڵێت: "پله‌كانی گه‌رما نزم ده‌بێته‌وه به ڕێژه‌ی (3-5) پله‌ی سیلیزی له تۆماركراوه‌كانی دوێنێ. خێرایی با 15 – 25 كیلۆمه‌تر ده‌بێت له كاتژمێرێكدا، هه‌ندێكجار له‌رۆژهه‌ڵاتی هه‌رێم چاڵاك ده‌بێت بۆ سه‌روی 30 كیلۆمه‌تر له كاتژمێرێكدا و ئاراسته‌ی با باكووری خۆرهه‌ڵات و مه‌ودای بینین 5 - 7 كیلۆمه‌تر ده‌بێت".
ئه‌وه‌شی خسته‌ڕوو كه "سبه‌ینێ یه‌كشه‌ممه 6- 4- 2025 ئاسمان ساماڵ بۆ نیمچه‌هه‌ور ده‌بێت".
روونیشیكرده‌وه كه "پله‌كانی گه‌رما كه‌مێك به‌رزتر ده‌بێته‌وه به ڕێژه‌ی ( 1-2 ) پله‌ی سیلیزی له تۆماركراوه‌كانی ئه‌مڕۆ. خێرایی با 10 - 20 كیلۆمه‌تر ده‌بێت. ئاراسته‌ی با باكووری خۆرهه‌ڵات و مه‌ودای بینین 8 - 9 كیلۆمه‌تر ده‌بێت".
راشیگه‌یاند كه به‌رزترین پله‌كانی گه‌رمای پێشبینیكراو به پله‌ی سیلیزی به‌مشێوه‌یه ده‌بێت:
هه‌ولێر: 25 پله‌ی سیلیزی
سلێمانی: 22پله‌ی سیلیزی
دهۆك: 23 پله‌ی سیلیزی
كه‌ركوك: 27 پله‌ی سیلیزی
زاخۆ: 24 پله‌ی سیلیزی
هه‌ڵه‌بجه: 21 پله‌ی سیلیزی
سۆران: 21 پله‌ی سیلیزی
حاجی ئۆمه‌ران: 16 پله‌ی سیلیزی
گه‌رمیان: 29 پله‌ی سیلیزی
AM:11:08:05/04/2025
ئه‌م بابه‌ته 432
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت