مهسرور بارزانی: پێویستە کۆمەڵگەی نێودەوڵەتی بەردەوام بێت لە پاراستنی خەڵکی کوردستان
وێستگهنیوز-
مهسرور بارزانی سهرۆكی حكومهتی ههرێمی كوردستان رایگهیاند كه پێویستە کۆمەڵگەی نێودەوڵەتی بەردەوام بێت لە پاراستنی خەڵکی کوردستان.
ئهمڕۆ شهممه، 5ی نیسانی 2025 مهسرور بارزانی، سهرۆكی حكومهتی ههرێمی كوردستان، له ساڵیادی دهركردنی بڕیاری 688ـی ئهنجوومهنی ئاسایشی سهر به نهتهوه یهكگرتووهكان، پهیامێكی له پلاتفۆڕمی (x) بڵاو كردهوه.
مهسرور بارزانی نووسیویهتی: "له ساڵیادی بڕیاری 688ی ئهنجوومهنی ئاسایشی نهتهوه یهكگرتووهكان، كه سنوورێكی بۆ هێرش و ستهمی ڕژێمی بهعس دانا، ڕێز و پێزانینی زۆرمان بۆ پشتیوانیی كۆمهڵگهی نێودهوڵهتی دووپات دهكهینهوه".
سهرۆك وهزیرانی ههرێم دهڵێت: "پێویستە کۆمەڵگەی نێودەوڵەتی بەردەوام بێت لە پاراستنی خەڵکی کوردستان و داکۆکیکردن لە مافەکانی".
لە ساڵی 1991دا رژێمی بەعس بە ئاگر و ئاسن وەڵامی ڕاپەرینی خەڵکی کوردستانی دایەوە و کۆرەوە ملیۆنییەکەی باشووری کوردستانی لێ کەوتەوە.
4ـی نیسانی هەمان ساڵ، هەر یەکە لە فەرەنسا، ئێران و تورکیا داوایان لە ئەنجوومەنی ئاسایش کرد زوڵم و ستەمی رژێمی سەدام لەسەر کورد ڕاگرێت.5ی نیسانی 1991 لە کۆبوونەوەیەکی ئەنجوومەنی ئاسایشی نێودەوڵەتیدا بڕیاری 688 دەرچوو کە لە 8 خاڵ پێک دێت، گرنگترینیان، سەرکۆنکەکردنی دەستدرێژی و سەرکوتکارییەکانی ڕژێمی سەددام لەسەر خەڵکی کوردستان. دوورخستنەوەی ھەڕەشەکان و گەیاندنی ھاوکارییە مرۆییەکان بە خەڵکی باشووری کوردستان بوو. فەرەنسا و بەریتانیا و ئەمریکا بڕیارەکەیان وەک پاساوێک بەکارھێنا و ھێڵی 36یان کێشا و ناوچەی دژە فرینیان دروستکرد و رژێمی بەعس بۆی نەبوو فڕۆکەکەکانی بەسەر باشووری کوردستاندا بفڕێنێت.
AM:10:54:05/04/2025
ئهم بابهته 324
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت