فه‌رمانده‌یی كۆماندۆ گیان له‌ده‌ستدانی ئه‌فسه‌رێكی به‌كاره‌ساتێكی دڵته‌زێن راگه‌یاند
وێستگه‌نیوز-
فه‌رمانده‌یی هێزه‌كانی كۆماندۆی كوردستان گیان له ده‌ستدانی ئه‌فسه‌رێكی به كاره‌ساتێكی دڵته‌زێن راگه‌یاند.
فه‌رمانده‌یی هێزه‌كانی كۆماندۆ له راگه‌یه‌ندراوێكدا ئاماژه‌ی به‌وه‌دا كه "شه‌وی رابردوو هه‌ینی- شه‌ممه 4ی نیسانی 2025 پێشمه‌رگه‌ی دڵسۆز و ئه‌فسه‌ری فه‌رمانده‌ییمان (توانا عه‌بدوڵا عه‌لی) كه به‌كاره‌ساتێكی دڵته‌زێن گیانی سپارد".
فه‌رمانده‌یی كۆماندۆ ده‌ڵێت: "(توانا) ئه‌فسه‌رێكی گه‌نجی ئازا و به‌توانا و چالاك و چاونه‌ترس و دڵسۆز بوو بۆ كاره‌كه‌ی جێگه‌ی متمانه‌ی هاوسه‌نگه‌رانی بوو، به‌و ته‌مه‌نه كه‌مه‌وه جێگه ده‌ستی دیاربوو، هه‌روه‌ها خۆشه‌ویستی فه‌رمانده و ئه‌فسه‌ر و كارمه‌ندانی هێزه‌كه بوو".
راشیگه‌یاندووه كه "به‌م بۆنه خه‌مناكه‌وه پرسه و هاوخه‌می خۆمان ئاڕاسته‌ی كه‌سوكار و بنه‌ماڵه به‌ڕێزه‌كه‌یان و هاوڕێ و هاوسه‌نگه‌رانی ده‌كه‌ین، له خوای گه‌وره داواكارین گیانی خوالێخۆشبوو به به‌هه‌شتی نه‌بڕاوه‌ی خۆی شاد بكات، سه‌بووری ببه‌خشێته هه‌موو لایه‌كمان".
AM:09:19:05/04/2025
ئه‌م بابه‌ته 8048
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت