پارێزگاری سلێمانی: ئاگری داره‌سوتاوه‌كه كۆنترۆڵ كرا
وێستگه‌نیوز-
پارێزگاری سلێمانی رایگه‌یاند كه ئاگره‌كه‌ی بازاڕی داره‌سوتاوه‌كه‌ی سلێمانی به‌هیممه‌تی دڵسۆزانه‌ی تیمه‌كانی به‌ڕێوه‌به‌رێتیی پۆلیسی به‌رگریی شارستانیی و به هه‌ماهه‌نگیی هاووڵاتیانی دڵسۆز كۆنترۆڵ كرا.
د.هه‌ڤاڵ ئه‌بوبه‌كر پارێزگاری سلێمانی له راگه‌یه‌ندراوێكدا ئاماژه‌ی به‌وه‌دا كه "به‌ره‌به‌یانی ئه‌مڕۆ، ئاگر له به‌شێك له بازاڕو دوكانه‌كانی مه‌زادخانه‌كه‌ی سه‌ره‌وه (داره سوتاوه‌كه)؛ كه‌وته‌وه".
وتیشی: "به‌هیممه‌تی دڵسۆزانه‌ی به‌ڕێوه‌به‌رو تیمه‌كانی به‌ڕێوه‌به‌رێتیی پۆلیسی به‌رگریی شارستانیی و به هه‌ماهه‌نگیی هاووڵاتیانی دڵسۆزو تیمه‌كانی فریاكه‌وتنی خێرای ته‌ندروستیی و ئاسایش و پۆلیس و پۆلیسی هاتوچۆ، به‌بێ هیچ زیانێكی گیانیی؛ ئاگره‌كه كۆنترۆڵكرا".
د.هه‌ڤاڵ ئه‌بوبه‌كر راشیگه‌یاند كه "لایه‌نه په‌یوه‌ندیداره‌كان لێكۆڵینه‌وه له هۆكاری ئاگركه‌وتنه‌وه‌كه ده‌كه‌ن".
AM:08:37:05/04/2025
ئه‌م بابه‌ته 516
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت