راگەیەندراوێک لە کەشناسیی هەرێمەوە لەبارەی بارانبارینەوە

وێستگەنیوز-

بەڕێوەبەرایەتیی کەشناسی و بوومەلەرزەزانیی هەرێمی کوردستان لەبارەی رەوشی کەشوهەواوە راگەیەندراوێکی بڵاوکردەوە.

ئەمشەو هەینی 4ی نیسانی 2025، کەشناسیی هەرێمی کوردستان رایگەیاند، "لە ئەنجامى کاریگەرى نزمە پاڵەپەستۆی دەریای سوور پێشبینى دەکرێت شەپۆلێکى بارانبارین و هەورە تریشقە لە درەنگانى ئەمشەو لە بەشێک لە ناوچەکانى گەرمیان دەستپێبکات، پاشان لە کاتەکانى بەرەبەیانیدا کاریگەریەکەى درێژ دەبێتەوە بۆ سەر ناوچەکانى دیکەى گەرمیان و هەڵەبجە و کەرکوک و سلێمانى، پاشان هەولێر و دهۆک تەوای ناوچە شاخاوییەکان و ئیدارە سەربەخۆکان".

ئاماژە بەوەکراوە، "شیوازی دابارین هەندێک جار دەگۆڕێت بۆ بارانى بەلێزمە و هەورە بروسکە (لەناویشیاندا سەنتەرى پارێزگاکان)، بەهۆی ئەوەی لە وەرزى بەهارداین و هەورەکانى دابارین هەندێک جار لە جۆرى (Cumulonimbus) (Cb) دەبێت، بۆیە ئەگەر هەیە لە هەندێک ناوچە تەزرەشى لەگەڵدا بێت".

کەشناسیی هەرێم ئەوەشی خستەڕوو، "خێرایی با (15-25) کلم/ک دەبێت، لە سلێمانى و هەڵەبجە و گەرمیان (20-35) کلم/ک دەبێت وە بەرزترین پلەکانى گەرما نزم دەبێتەوە بە (3-5) پلەى سیلیزى بەبەراورد بە بەرزترین پلەکانى گەرمى ئەمڕۆ، مەودای بینینى ئاسۆیی (6-7)کلم دەبێت، ئەم شەپۆلە لە درەنگانى شەوى شەممە کۆتایی پێدێت".

PM:09:57:04/04/2025

ئه‌م بابه‌ته 4948 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت