هۆشداری بە هاوڵاتییانی ئیدارەی سۆران دەدرێت


وێستگەنیوز-

ژووری ئۆپەراسیۆن و بەرێوەبردنی قەیران و کارەساتەکان لە ئیدارەی سەربەخۆی سۆران ئاگاداری هاوڵاتییان دەکاتەوە و هۆشداری دەدات.


ئەمشەو هەینی 4ی نیسانی 2025، ژووری ئۆپەراسیۆن و بەرێوەبردنی قەیران و کارەساتەکان لە ئیدارەی سەربەخۆی سۆران رایگەیاند، "بۆ ئاگاداری گشت هاونیشتمانیان لە ئیدارەی سۆران و هەر شەش قەزا، بەپێی پێشبینییەکانی بەڕێوەبەرایەتیی گشتی کەشناسی و بوومەلەرزەزانی هەرێمی کوردستان، سبەی شەممە و دووسبەی یەکشەممە شەپۆلێکی باران بارینی بەهێز بەڕێوەیە کە هەورە بروسکەیشی لەگەڵ دا دەبێت".

ئاماژە بەوەکراوە، "بۆ ئاگاداری هەموو هاونیشتمانیان رەنگە لە هەندێک شوێن هەورە بروسکە و با و زریانی لەگەڵ بیت، بۆیە ئاگاداری خۆتان بن با دووربین لە کارەسات".


PM:08:41:04/04/2025


ئه‌م بابه‌ته 828 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت