پاسپۆرتی سلێمانی لەبارەی تێچووی مامەڵەی پاسپۆرتەوە هاوڵاتییان ئاگاداردەکاتەوە
وێستگەنیوز-
بەڕێوەبەرایەتیی پاسپۆرتی پارێزگای سلێمانی هاوڵاتییان لەبارەی نۆرەگرتن و پێدانی پاسپۆرتی ئەلکترۆنی ئاگادار دەکرێنەوە.
ئەمرۆ پێنجشەممە 3ی نیسانی 2025، بەڕێوەبەرایەتیی پاسپۆرتی پارێزگای سلێمانی رایگەیاند، "نرخی تێچووی پاسپۆرت 91 هەزار دینارە و گەر حجزی ئەلکترۆنیت ھەبێت، بەڵام ئەگەرحجزی ئەلەکترۆنیت نەبێت پێویستە 100 هەزار دینار رسومات زیادە بدەیت، لەگەڵ 91 هەزار دینار تێچووی پاسپۆرتەکە، کۆی گشتی 191 هەزار دینار دەکات، بۆیە باشترە (حجزی ئەلیکترۆنی) بکەیت، تاوەکو تەنھا 91 هەزار دینار بدەیت".
ئاماژە بەوەکراوە، "بە گوێرەی کاتی دیاریکراوی خۆتان کە بە نامەی ئەلیکترۆنی بۆتان دیاریکراوە سەردانمان بکەن، واتە کاتژمێر و رێکەوتی حجزی ئەلەکترۆنییەکەت لە چ کات و رێکەوتێکدا بوو، ئەوا لەو کاتەدا سەردانمان بکەن، بۆ ئەوەی ئێمەش لە کاتی خۆیدا مامەڵەکانتان بۆ رایی بکەین."
جەختیش کراوەتەوە، "تەنھا کار بە کارتی نیشتمانی ڕەسەن (اصلي) دەکرێت، واتە کار بە (صورة قيد الكتروني)، پێناسی باری شارستانی، ڕەگەزنامەی عیراقی ناکرێ."
هەروەها روونیشکراوەتەوە بۆ نۆرەگرتنی (حجزی ئەلیکترۆنی) سەردانی ئەم سایتە بکەن: www.epp.iq.
PM:07:47:03/04/2025
ئهم بابهته 4412
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت