سەرۆكی سێ رێكخراو: پشتیوانیمان بۆ میترۆ بەردەوام دەبێت

‌

وێستگەنیوز-

ئەمڕۆ پێنجشەممە 3ی نیسانی 2025، هۆگر چەتۆ، سەرۆكی رێكخراوی میلی كوردستان PA0، هۆشیار مالۆ، سەركی رێكخراوی كوردستان بۆ چاودێری مافی مرۆڤ KOHRW ، رێبین رەسوڵ، سەرۆكی رێكخراوی لێكۆڵینەوە KWR سەردانی سەنتەری میترۆیان كرد پشتیوانیان بۆ پرەنسیپی كاری سەنتەری میترۆ دەربڕی.

پرسی چاودێریكردنی مافی مرۆڤ، لەناویاندا ئازادی رادەربڕین و رۆژنامەگەری، پاراستن و بەرگریكردن لە مافەكانی مرۆڤ، تەوەری گفتوگۆی هەر چوار رێكخراو بوو.

بەپێی راگەیەندراوی سەنتەری میترۆ بێت، رێكخەری میترۆ سوپاسی سەرۆك و ئەندامانی هەر سێ رێكخراوی كرد كە لە سەرەتای دامەزراندنی سەنتەر پشتیوان بوون، میترۆ سوودی لە ئەزومونی دەوڵەمەنیییان لە بواری كاری رێكخراوەیی وەرگرتووە.

پرسی چاودێریكردنی مافی مرۆڤ، لەناویاندا ئازادی رادەربڕین، پاراستن و بەرگریكردن لە مافەكانی مرۆڤ تەوەری گفتگۆی هەر چوار رێكخراو بوو.

لە كۆبونەوەكە هەر چوار رێكخراو هاوڕابوون لە فراوانكردنی پرۆسەی چاودێریكردنی مافی مرۆڤ، لەناویاندا ئازادی رادەربڕین و رۆژنامەگەری، هاندانی بەشداریكردنی فراوانی كۆمەڵگەی هەرێمی كوردستان لەم پرۆسەیە.

هەر چوار رێكخراو جەختیانكردەوە كە بەردەوامبدەبن لە داكۆكیكردن لە پرنیسپەكانی جاڕنامەی گەردەنی مافی مافی مرۆڤ و بەڵگەنامە نێودەوڵتەییەكانی تری تایبەت بە ماف و ئازادییەكان و گۆڕینەوەی زانیاری سەبارەت بە رەوشی ئازادی رۆژنامەنوسی و رادەربڕین و كاركردنی هاوبەش بە ئامانجی فشار خستنە سەر ناوەندەكانی بڕیار بە ئاراستەی فراوانكردنی و چەسپاندنی ئەو مافانە.