هاتوچۆی بارهەڵگر و ماتۆڕسکیل قەدەغە دەکرێت
وێستگەنیوز-
بەڕێوەبەرایەتیی هاتوچۆی هەولێر هاتوچۆی بارهەڵگر و ماتۆڕسکیل لە رۆژانی هەینی و پشووەکان قەدەغە دەکات.
ئەمڕۆ پێنجشەممە 3ی نیسانی 2025، بەڕێوەبەرایەتیی هاتوچۆی هەولێر رایگەیاند، "ئاگاداری شۆفێرانی بارهەڵگر و ماتۆڕسکیل دەکەنەوە، تاوەکو 1ی تشرینی دووەمی 2025، هەموو رۆژانی هەینی و پشووە فەرمییەکان هاتوچۆی ئۆتۆمبێلی بارهەڵگر و ماتۆرسکیل قەدەغەیە".
ئاماژە بەوەکراوە، "هەموو رۆژانی هەیینیەک لە کاتژمێر 7ی بەیانی تاوەکو 12ی شەو لەو رێگایانەی کە دەکەونە سەر شوێنە گەشتیاری و سەیرانگاکان، هاتوچۆی ئۆتۆمبێلی بارهەڵگر و ماتۆرسکیل قەدەغەیە".
ئەوەشخراوەتەڕوو، "ئەم بڕیارە لەپێناو بەرژەوەندیی گشتی ودروستنەبوونی جەنجاڵی و ئاستەنگیی هاتووچۆ و سەلامەتیی گەشتیاران دراوە".
PM:04:59:03/04/2025
ئه‌م بابه‌ته 440
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت