"تەنها لە مانگی یەکی ئەمساڵدا تورکیا 404 هێرش و بۆردوومانی بۆسەر هەرێمی کوردستان ئەنجامداوە"
وێستگەنیوز_
تیمی کوردستانی عێراق CPT، لەبارەی هێرش و بۆردوومانەکانی سوپای تورکیا لە مانگی ئازاردا لە دوای راگەیاندنی ئاگربەست راپۆرتێکی بڵاوکردەوە.
بەپێی راپۆرتەکە، سوپای تورکیا لە مانگی ئازاردا 118 هێرش و بۆردوومانی بۆسەر هەرێمی کوردستان ئەنجامداوە.
ئاماژە بەوەشکراوە، "هێرشەکانی سوپای تورکیا لە مانگی ئازاردا، بەراورد بە مانگی کانوونی دووەم، بەڕێژەی %12 و بەراورد بە مانگی شوبات، بەڕێژەی 21% کەمیکردووە".
هێرشەکانی تورکیا 55ـیان بۆسەر سنووری پارێزگای هەولێر و 51ـیان بۆسەر سنووری پارێزگای دهۆک و 12ـیان بۆسەر سنووری پارێزگای سلێمانی ئەنجامدراون و هێرشەکانی سەر پارێزگای هەولێر لە مانگی ئازار بەراورد بە مانگی شوبات 120% زیادیان کردووە.
ئاشکراشی کردووە، سوپای تورکیا لە مانگی ئازاری ئەمساڵدا پێنج ئەشکەوتی سروشتی بە بەکارهێنانی تی ئێن تی تەقاندوەتەوە، هەروەها مانگی یەکی ئەمساڵ 404 هێرش و بۆردوومانی بۆسەر هەرێمی کوردستان ئەنجامداوە کە بە هۆیانەوە دوو کەس شەهید بوون و چواری دیکە برینداربوون.
PM:03:29:03/04/2025
ئه‌م بابه‌ته 364
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت