دانە گاز: بەرهەمهێنانی گازی سروشتیی لە کێڵگەی کۆرمۆر گەیشتووەتە 525 ملیۆن پێ سێجا لە ڕۆژێکدا


وێستگەنیوز_

کۆمپانیای دانە گاز دەڵێت، بەرهەمهێنانی گازی سروشتیان لە کێڵگەی کۆرمۆر گەیاندووەتە  525 ملیۆن پێ سێجا لە ڕۆژێکدا.

ئەمرۆ پێنجشەممە، 3ـی 4ـی 2025، کۆمپانیای دانە گازی ئیماراتی رایگەیاند،  لەسەرەتای مانگی ئادارەوە ئاستی بەرهەمهێنانیان لە کێڵگەی کۆرمۆر بۆ 525 ملیۆن پێ سێجای ڕۆژانە بەرز کردۆتەوە. بە گوێرەی راگەیەندراوەکە، ئاستی بەرهەمهێنان لەو کێڵگەیەدا لە ساڵی 2017ـەوە بە ڕێژەی 75% زیادی کردووە، ئەمە جیا لە 15 هەزار و 200 بەرمیلی لە پێکهاتەی خەستبووی گازەکە، هەزار و 70 تۆنی ڕۆژانە لە پێکهاتەی دیکە کە بەگازی نەوتیی ناسراوە.

ئاماژەی بەوەشکردووە، لەگەڵ هاوبەشەکانیان کار لەسەر پەرەپێدانی کۆرمۆر 250 دەکەن، کە تاوەکو چارەکی یەکەمی ساڵی 2026 ئاست و توانای وەبەرهێنان لە کێلگەکە بە ڕێژەی 50% زیاد دەکرێت، بەتایبەت لەم چەند مانگەی دواییدا بە بەهای یەک ملیار دۆلار لە ڕێگەی پەرەپێدانی خێرا ئاست و ڕووبەری کێڵگەکە فراوان کراوە.


AM:10:01:03/04/2025


ئه‌م بابه‌ته 280 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت