سهعدی ئهحمهد پیره: كۆبوونهوهكانی یهكێتی و پارتی دهستپێدهكهنهوه
وێستگهنیوز-
وتهبێژی یهكێتیی نیشتمانیی كوردستان رایگهیاند كه لهسهر ستراتیژی بهڕێوهبردنی ههرێمی كوردستان رێككهوتن كراوه، دهشڵێت: "كۆبوونهوهكانی لیژنهی باڵای دانوستانی یهكێتی و پارتی پاش جهژن دهستپێدهكهنهوه".
سهعدی ئهحمهد پیره وتهبێژی یهكێتیی نیشتمانیی كوردستان بۆ میدیای حزبهكهی وتی: "پاش پشوهكانی جهژن، كۆبوونهوهكانی لیژنهی باڵای دانوستانی یهكێتی و پارتی بۆ پێكهێنانی كابینهی نوێی حكومهتی ههرێمی كوردستان دهستپێدهكهنهوه".
وتیشی: "له كۆبوونهوهكانی رابردوودا لهسهر ستراتیژی بهڕێوهبردنی ههرێمی كوردستان رێككهوتن كراوه".
ئاماژهشی بهوهدا كه "چاوهڕێدهكرێت له كۆبوونهوهكانی داهاتوودا یهكێتی و پارتی لهسهر كۆی بڕگهكانی پێكهێنانی حكومهت بگهنه رێككهوتن".
سهعدی ئهحمهد پیره راشیگهیاند كه "وهك یهكێتی بهلایانهوه گرنگه له زوترین كاتدا كابینهی دهیهمی حكومهتی ههرێم پێكبهێندرێت".
له ماوهی رابردوودا یهكێتی و پارتی چهندین كۆبوونهوهیان ئهنجامداوه بۆ پێكهێنانی كابینهی نوێی حكومهتی ههرێمی كوردستان، بهڵام تا ئێستا نهگهیشتووهنهته ئهوهی كابینهی دهیهمی حكومهتی ههرێم پێكبهێنرێت.
PM:05:35:02/04/2025
ئهم بابهته 796
جار خوێنراوهتهوه
لێرەوە کۆمێنت بنوسە لە فەیسبوک دەردەکەوێت