"له رۆژانی جه‌ژندا 40 هه‌زار گه‌شتیار هاتوونه‌ته سلێمانی"
وێستگه‌نیوز-
وته‌بێژی گه‌شتوگوزاری سلێمانی رایگه‌یاند كه له رۆژانی جه‌ژندا 40 هه‌زار گه‌شتیار هاتوونه‌ته سلێمانی، ده‌شڵێت: "هاتنی گەشتیاران بۆ شاری سلێمانی بەلێشاو بەردەوامە".
ئه‌مڕۆ چوارشه‌ممه 2ـی نیسانـی 2025، گۆران قادر، وته‌بێژی گه‌شتوگوزاری سلێمانی له لێدوانێكدا رایگه‌یاند كه "لە سێیەم رۆژی جەژنی رەمەزانەوە، هاتنی گەشتیاران بەلێشاو بۆ شاری سلێمانی دەستیپێكردووە و سەرجەم هۆتێل و ناوچە گەشتیارییەکان ئامادەكارییان بۆ هاتنی گەشتیار كردووە".
باسی لەوەشکرد كه "ئەوەی تائێستا بە ئێمە گەیشتووە، 70%ـی هۆتێل و ناوچە گەشتیارییەکان پڕبوون لە گەشتیار و شوێنیان نەماوە، هاوکات زیاد لە 100 گروپی گەشتیاری، لەم چەند رۆژەدا سەردانی شاری سلێمانییان كردووە".
ئاماژەی بەوەشکرد:"لە شاری سلێمانی شوێنی مانەوەی یەك كەس لە پێنج هەزار دینارەوە دەستپێدەکات تا نزیكەی 100 دۆلار".
راشیگه‌یاند كه رۆژانی داهاتوو گه‌شتیاری زیاتر روو له شاره‌كه ده‌كه‌ن و ئاماده‌كاری ته‌واوكراوه بۆ پێشوازیكردنیان.
PM:04:42:02/04/2025
ئه‌م بابه‌ته 340
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت