سوودانی بۆ تاوتوێکردنی بابەتی رێگای گەشەپێدان سەردانی تورکیا دەکات
وێستگەنیوز_
ئەمڕۆ چوارشەممە، 2ـی نیسانی 2025، وەزیری گواستنەوەی توركیا رایگەیاند، لە چەند رۆژی داهاتوودا محەممەد شیاع سوودانی، سەرۆک وەزیرانی عێراق، سەردانی توركیا دەكات و ناوەڕاستی ئەمساڵیش ئەردۆغان دێتە بەغدا.
عەبدولقادر ئورالئۆغلو، وەزیری گواستنەوەی توركیا رایگەیاندووە، پرۆژەی رێگای گەشەپێدان قۆناغی باشی بڕیوە و توركیا بە بەندەری فاو و نیمچەدورگەی عەرەبی دەبەستێتەوە كە درێژیەكەی هەزار و 200 كیلۆمەتر دەبێت.
ئاماژەی بەوەشکردووە، لەسەر بابەتی رێگەی گەشەپێدان، سەرۆك وەزیرانی عیراق لە چەند رۆژی داهاتوودا سەردانی توركیا دەكات.
ئاشکراشی کردووە، دوای سەردانەكەی سوودانی، لە ناوەڕاستی ئەمساڵیش رەجەب تەیب ئەردۆغان، سەرۆكی توركیا سەردانی بەغدا دەكات و چاوەڕوان دەكرێت چەند بڕیارێك بدرێت كە پەیوەندی بە سەردانەكانی رابردووەوە هەبێت.
کۆتا سەردانی ئەردۆغان بۆ عێراق لە مانگی نیسانی ساڵی رابردوو بوو کە تێیدا 26 یاداشتی لێكتێگەیشتنیان لەگەڵ حکومەت واژۆ كرد.
PM:01:28:02/04/2025
ئه‌م بابه‌ته 400
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت