ئەمریکا ژمارەیەك فڕۆکەی جەنگی زیاتر لە ڕۆژهەڵاتی ناوەڕاست بڵاودەکاتەوە
وێستگەنیوز_
وەزارەتی بەرگری ئەمریکا ڕایگەیاند، بەفەرمانی پیت هێگێست، وەزیری بەرگری، فڕۆکەی جەنگی زیاتر لە ڕۆژهەڵاتی ناوەڕاست بڵاودەکاتەوە، ئەمەش هاوکاتە لەگەڵ پەرەسەندنی هێرشەکانی ئەو وڵاتە بۆ سەر حووسیەکان و زیاتر بوونی گرژیەکانیان لەگەڵ ئێران.
شۆن بارنێل وتەبێژی وەزارەتی بەرگری ئەمریكا رایگەیاند، كەشتی فرۆكەهەڵگری تر لە جۆری هاردی ئێس ترومان دەنێرن بۆ رۆژهەڵاتی ناوەڕاست لە پێناو بەهێزكردنی سەقامگیریی ناوچەكە و بەرپەرچدانەوەی هەر هێرشێك بكرێتەسەر بەرژوەندییەكانیان و پارێزگاریكردن لە رێڕەوی بازرگانی و كەشتیە بازرگانیەكانیان لە ناوچەكەدا.
هاوكات، وەزارەتی بەرگری ئەمریكا بڵاویكردەوە، پیت هێگسێت وەزیری بەرگری فەرمانی كردووە بە ناردنی كەشتی فرۆكەهەڵگڕ زیاتر بۆ رۆژهەڵاتی ناوەڕاست.
بەرپرسانی ئەمریکا بە ڕۆیتەرزیان ڕاگەیاندووە، هەفتەی ڕابردوو شەش فڕۆکەی ' B-2' کە هەڵگری مووشەک و چەکی ئەتۆمە، گواستراونەتەوە بۆ بنکەیەکی سەربازی ئەمەریکا و بەریتانیا لە دوورگەی دیگۆگارسیا لەناو زەریای هیندی.
شارەزایان دەڵێن: فڕۆکەی B-2 کە 'شەبەح'یشی پێدەڵێن، خاوەنی تەکنەلۆژیای خۆدزینەوەیە لە ڕادار و قورسترین بۆمب و چەکی ئەتۆمی هەڵدەگرێت، بۆیە هێنراوەتە ئەو بنکەیە تاوەکوو بتوانێت لە ڕۆژهەڵاتی ناوەڕاست کاری پێبکرێت.
AM:09:43:02/04/2025
ئه‌م بابه‌ته 420
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت