ئه‌نجومه‌نی دوو گه‌ڕه‌كه‌ كوردنشینه‌كه‌ی حه‌له‌ب و ئیداره‌ی‌ سوریا رێككه‌وتن

وێستگه‌نیوز-

به‌پێی ده‌قی رێككه‌وتنه‌كه‌ كه‌ ئه‌مڕۆ واژۆكراوه‌، له‌ پێناو پاراستنی پێكه‌وه‌ژیان، تایبه‌تمه‌ندی هه‌ردوو گه‌ڕه‌كی شێخ مه‌قسود و ئه‌شره‌فییه‌ی كوردنشین له‌ حه‌له‌ب له‌به‌رچاو ده‌گیرێت و رێگه‌ به‌ هێرشكردنه‌ سه‌ریان نادرێت، هه‌روه‌ها سه‌رجه‌م هێزه‌كان له‌و دوو گه‌ڕه‌كه‌ ده‌كشێنرێنه‌وه‌ به‌ره‌و رۆژهه‌ڵاتی فورات و هێزه‌كانی حكومه‌ت جێگیر ده‌كرێن.

هه‌ر به‌پێی رێككه‌وتنه‌كه‌، لیژنه‌یه‌ك پێكده‌هێنرێت بۆ ئاسانكاری هاتوچۆ له‌نێوان حه‌له‌ب و ناوچه‌كانی ئیداره‌ی خۆبه‌ڕێوه‌به‌ری، ئه‌و دوو گه‌ڕه‌كه‌ نوێنه‌ریان ده‌بێت له‌ ئه‌نجومه‌نی پارێزگای حه‌له‌ب و سه‌ندیكا و ژووری بازرگانی.

رێككه‌وتنه‌كه‌ تا جێبه‌جێكردنی ته‌واوه‌تی رێككه‌وتنی نێوان مه‌زڵوم عه‌بدی فه‌رمانده‌ی گشتی هه‌سه‌ده‌ و ئه‌حمه‌د شه‌رع سه‌رۆكی سوریا له‌لایه‌ن لیژنه‌ هاوبه‌شه‌كانه‌وه‌ كاری پێده‌كرێت.

ئه‌مه‌ش ده‌قی‌ رێككه‌وتنه‌كه‌یه‌:

PM:05:39:01/04/2025

ئه‌م بابه‌ته 920 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت