کەشناسی: ئاسمان بە گشتی پەڵەهەور بۆ نیمچەهەور دەبێت و پلەکانی گەرما بەرز دەبنەوە
وێستگەنیوز_
کەشناسیی هەرێمی کوردستان پیشبینییەکانی کەشوهەوای بۆ ئەمڕۆ و سبەینێ بڵاوکردەوە و ئاماژەی بەوەکردووە، ئاسمان بە گشتی پەڵەهەور بۆ نیمچەهەور دەبێت و پلەکانی گەرما بەرز دەبنەوە.
کەشناسیی هەرێمی کوردستان لە راگەیەندراوێکدا پێشبینییەکانی کەشوهەوای بۆ ئەمڕۆ و سبەی راگەیاند و تێیدا هاتووە، ئەمڕۆ پێنجشەممە ئاسمان بە گشتى پەڵەهەور بۆ نیمچەهەور دەبێت و پلەکانی گەرما کەمێک بەرز دەبنەوە بەراورد بە تۆمارەکانی دوێنێ .
سەبارەت بە کەشوهەوای رۆژی هەینی 28ـی ئادار، ئاسمان لە نێوان پەڵەهەور بۆ نیمچەهەور دەبێت و لە ناوچە شاخاوییە بەرزەکان بۆ هەورى تەواو دەگۆڕێت، پلەکانی گەرماش بەراورد بە تۆمارەکانی ئەمڕۆ بەرزدەبنەوە .
بەرزترین پلەکانی گەرمای پێشبینیکراو بە پلەی سیلیزی بەم شێوەیە دەبێت:
هەولێر: 27 پلەی سیلیزی
سلێمانی: 25 پلەی سیلیزی
دهۆک: 26 پلەی سیلیزی
کەرکوک: 28 پلەی سیلیزی
زاخۆ :27 پلەی سیلیزی
هەڵەبجە: 25 پلەی سیلیزی
سۆران: 24 پلەی سیلیزی
حاجی ئۆمەران: 16 پلەی سیلیزی
گەرمیان: 29 پلەی سیلیزی
PM:03:59:27/03/2025
ئه‌م بابه‌ته 248
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت