بەرپرسێكی وه‌زاره‌تی كاری هەرێم: پرۆژەی پێدانی قه‌رزی بچوك ده‌ستپێده‌كاته‌وه
وێستگەنیوز-
بەڕێوەبەری پرۆژەی گەشانەوە له وه‌زاره‌تی کار و كاروباری كۆمه‌ڵایه‌تی حكومه‌تی هه‌رێمی كوردستان رایدەگەیەنێت، قۆناغی دووەمی پرۆژەی گەشانەوە بەم نزیکانە دەستپێدەکات و لەم قۆناغەدا پارە بۆ 100 پرۆژە تەرخاندەکرێت.
ئارام ئەنوەر، بەڕێوەبەری پرۆژەی گەشانەوە لە وەزارەتی کار و کاروباری کۆمەڵایەتیی هەرێمی کوردستان رایگەیاند، "پرۆژەی گەشانەوە کە بریتیە لە پێدانی قەرزی بچوک یەکێکە لە دەستپێشخەرییەکانی سه‌رۆكی حکومەت لە کابینەی نۆیەمدا، بە ئامانجی هاوکاریکردنی ئەو کەسانەی کە خاوەن پرۆژەن و ده‌یانه‌وێت بیرۆكه بازرگانه‌كانیان بخه‌نه‌گه‌ڕ".
ئاماژەی بەوەشکرد، "لە قۆناغی دووه‌می پرۆژەی گەشانەوەدا هاوڵاتییان و لاوان سوودمەند دەبن بۆ خستنه‌گه‌ڕی پڕۆژه‌كانیان و دەتوانن بڕی ملیۆنێک تا 150 ملیۆن دینار قەرز لە حکومەت وه‌ربگرن بۆ پەرەپێدانی پرۆژەکانیان".
ئەوەشی خستەڕوو، "ره‌زامه‌ندی ئه‌نجومه‌نی وه‌زیرانی هەرێم وه‌رگیراوه و لە قۆناغی دووەمدا پارە بۆ جێبەجێکردنی 100 پرۆژە تەرخان دەکرێت".
باسی لەوەشکردووە، "جگه له‌وه ئەو پارەیەی کە بە خاوەن پڕۆژەکانیش دەدرێت بە قەرزه و بە بێ زیادە خستنە سەر به قۆناغبه‌ندی لێیان وەردەگیرێتەوە".
PM:06:05:14/03/2025
ئه‌م بابه‌ته 188
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت