بۆ نەورۆزی ئەمساڵ له 89 ناوه‌ندى باكوورى كوردستان و توركیا ئاهەنگ رێکدەخرێت
وێستگەنیوز_
به ناونیشانى (نه‌ورۆزی به‌رگریكردن له ئیراده‌ی ئازادی و ئاشتی ئۆجه‌لان)، نه‌ورۆزی ئه‌مساڵ له 89 ناوه‌ندى باكوورى كوردستان و توركیا ئاهه‌نگ رێكده‌خرێت و یادى ئه‌و بۆنه نه‌ته‌وه‌ییه ده‌كرێته‌وه.
تونجه‌ر باکرهان هاوسه‌رۆكى گشتى پارتى یه‌كسانى و دیموكراسى گه‌لان"ده‌م پارتى" رایگه‌یاند، نه‌ورۆزى ئه‌مساڵ ده‌كه‌ن به نه‌ورۆزى ئاشتى.
ئاماژە بەوەشکراوە، نەورۆز بۆ گەلی کورد مانای بەرخۆدان و ئازادییە. هەرچەندە دەوڵەت هەوڵدەدات ئەم واتایە لە چوارچێوەیەکدا لە قاڵب بدات، گەلی کورد بە سەدان ساڵ تێکۆشانی خۆی لە ئاگری نەورۆزدا گەش کردوەتەوە، لەم ئاگرەدا بوون، بەرخۆدان و ئازادی خۆی نیشان داوە.
وابڕیارە ئاهەنگەکانی نەورۆزی ئەمساڵ، بە فراوانی و لە 89 ناوەندەوە بەڕێوەدەچێت.
PM:07:45:11/03/2025
ئه‌م بابه‌ته 248
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت