دەوامی مامۆستا و فەرمانبەرانی هەرێم کاتژمێرێک کەمکرایەوە
وێستگەنیوز-
پارێزگای هەولێر بڵاویكردەوە، بەبۆنەی مانگی رەمەزانەوە فەرمانبەرانی سەرجەم دامودەزگاكان و مامۆستایانی سنووری پارێزگای هەولێر رۆژانە کاتژمێرێک كەمتر دەوام دەكەن.
لە راگەیەندراوێکدا پارێزگای هەولێر رایگەیاند، "لە چوارچێوەی بڕیار و راسپاردەکانی پارێزگای هەولێر سەبارەت بە مانگی پیرۆزی رەمەزان، فەرمانبەرانی سەرجەم دام و دەزگا و فەرمانگەکان و مامۆستایانی سنووری پارێزگای هەولێر ئاگادار دەکەینەوە، دەوامی فەرمی سەرجەم دامودەزگاكانی حكومەت لە سنووری پارێزگاکەمان بۆ مانگی رەمەزان یەک کاتژمێر کەم دەکرێتەوە".
ئاماژە بەوەکراوە، "نیو كاتژمێر لە کاتی بەیانیان و نیو کاتژمێر لە کاتی تەواوبوونی دەوامی فەرمی کەم دەکرێتەوە".
PM:10:22:01/03/2025
ئه‌م بابه‌ته 1492
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت