ئاسایشی هەولێر بازرگانێکی دراوی ساختەی دەستگیرکرد


وێستگەنیوز-

بەڕێوەبەرایەتیی ئاسایشی هەولێر دەستبەسەرداگرتنی بڕی 25 ملیۆن دینار دراوی ساختەی عێراقی رایگەیاند.


ئەمڕۆ شەممە 22ی شوباتی 2025، بەڕێوەبەرایەتیی ئاسایشی هەولێر رایگەیاند، "لەلایەن تیمەکانمانەوە و بە فەرمانی دادوەری لێکۆڵینەوەی ئاسایشی هەولێر تۆمەتبار (م ، ک ،م)مان دەستگیر کرد کە بڕی 25 ملیۆن دینار دراوی ساختەی عێراقی لابووە، لە جۆری 25 هەزاری".

ئاماژە بەوەکراوە، "ئەم دراوە ساختەی لە دەرەوەی هەرێمی کوردستانەوە هێناوە و بەنیازبوو لە بازاڕی شارەکانی هەرێمی کوردستان ساغی بکاتەوە، جێگەی باسە تۆمەتباری ناو هاتوو چەند جارێکی تر بەهەمان شێوە دراوی ساختەی لابووە و لە شارەکانی خوارووی عێراق ئەم دراوە ساختانەی ساغ کردووەتەوە".


PM:07:20:22/02/2025


ئه‌م بابه‌ته 2420 جار خوێنراوه‌ته‌وه‌‌



لێرەوە کۆمێنت بنوسە لە فەیسبوک دەردەکەوێت