کەشناسی هەرێمی کوردستان: پلەکانی گەرما نزمتر دەبنەوە
وێستگەنیوز_
لە دوێنێوە شەپۆلێکی سەرما و بەفر و باران رووی لە هەرێمی کوردستان کردووە و کەشناسیی دەڵێت، شەپۆلەکە بەردەوام دەبێت.
کەشناسیی هەرێمی کوردستان رایگەیاند، ئەمڕۆ هەینی، ئاسمان هەور دەبێت لەگەڵ نمەبارانی پچڕپچڕ لە شوێن و ناوچە جیاجیاکاندا، بەڵام لە ناوچەكانی پارێزگای سلێمانی و هەڵەبجە و ئیدارەی سۆران و ڕاپەڕین رێژەی دابارین زیاتر دەبێت و باران بەشێوەی مامناوەند دەبارێت. لە ناوچە شاخاوییەكان بە تایبەت ناوچە سنووریەكان بەفر دەبارێت و پێشبینی دەكرێت بۆ كاتەكانی شەو لە سەنتەری پارێزگای سلێمانی و ناوچەكانی دەوروبەری سلێمانی و سەنتەری قەزای سۆران بە كەمی بەفر بارین هەبێت .
ئاماژەی بەوەشکردووە، بۆ سبەینێ شەممە، ئاسمان بە گشتی هەور دەبێت و لە ناوچەكانی رۆژهەڵاتی هەرێم نمەباران و بارانی مامناوەند بە پچڕپچڕی دەبارێت، هەروەها لە ناوچە شاخاوییە سنووریەكان بەفر دەبارێت.
راشیگەیاندووە، ئەمڕۆ پلەکانی گەرما بە نزیكەیی 2 بۆ 4 پلە نزم دەبنەوە و سبەینێش 1 بۆ 2 پلەی دیکە دادەبەزن.
بەرزترین پلەکانی گەرمای پێشبینیکراو بە پلەی سیلیزی :
هەولێر: 8 پلەى سیلیزى
سلێمانی: 6 پلەى سیلیزى
دهۆک: 7 پلەى سیلیزى
کەرکوک:10 پلەى سیلیزى
زاخۆ: 7 پلەى سیلیزى
هەڵەبجە: 6 پلەى سیلیزى
حاجی ئۆمەران: -4 پلەى سیلیزى
سۆران: 2 پلەى سیلیزى
گەرمیان: 12 پلەى سیلیزى
PM:12:42:21/02/2025
ئه‌م بابه‌ته 1816
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت