لەبارەی پێکهێنانی حکومەتەوە جارێکی دیکە پارتی و یەکێتی کۆدەبنەوە
وێستگەنیوز-
بڕیارە لە چەند رۆژی داهاتوودا شاندی باڵای پارتی دیموکراتی کوردستان و یەکێتیی نیشتمانیی کوردستان کۆدەبنەوە گفتوگۆ لەسەر رەشنووسی پێکهێنانی حکومەتی نوێ دەکەن.
سەعدی ئەحمەد پیرە، وتەبێژی یەکێتیی نیشتمانیی کوردستان رایگەیاند، "پارتی و یەکێتی بەجیا گفتوگۆ لەسەر رەشنووسی پێکهێنانی حکومەتی نوێ دەکەن و لە چەند رۆژی داهاتوودا شاندی باڵای هەردوولا کۆدەبنەوە".
ئاماژەی بەوەشکرد، "لێكگه‌يشتنى هاوبه‌ش و رێككه‌وتنى سه‌ره‌تايى له‌سه‌ر زۆربه‌ى ته‌وه‌ره‌كان هاتووه‌ته ئاراوه و لە چەند رۆژی داهاتوودا دوای تەواوبوونی گفتوگۆ لەسەر رەشنووسەکە، شاندی باڵای پارتی و یەکێتی کۆدەبنەوە و پێکەوە گفتوگۆی لەسەر دەکەن".
لیژنەی تەکنیکیی پارتی بە سەرۆکایەتیی پشتیوان سادق و ئەندامێتیی دڵشاد شەهاب و ئومێد سەباحە و لیژنەی یەکێتیش بە سەرۆکایەتیی رێواز فایەق و ئەندامیێتی هەریەک لە شاڵاو شێخ سەلاح و ئامانج رەحیم-ە.
AM:09:13:10/02/2025
ئه‌م بابه‌ته 4064
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت