ئومێد خۆشناو: هەولێر تاقەتی وەرگرتنی میوانەکانی ئەمڕۆی نییە

وێستگەنیوز-

ئەمڕۆ یەکشەممە 9ی شوباتی 2025، مامۆستایان و فەرمانبەرانی ناڕازیی لە شاری سلێمانی و چەند شار و شارۆچکەیەکی دیکە بە پاس بەرەو هەولێر رێککەوتن، بەڵام پارێزگاری هەولێر دەڵێت، "هەولێر تاقەتی وەرگرتنی میوانەکانی ئەمڕۆی نییە".

ئومێد خۆشناو، پارێزگاری هەولێر لە کۆنگرەیەکی رۆژنامەوانیدا لەبارەی بەرێکەوتنی مامۆستایان و فەرمانبەرانی ناڕازی لە شاری سلێمانییەوە بەرەو شاری هەولێر رایگەیاند، "هەولێە هەمیشە میوان دۆستە، بەڵام هەولێر تاقەتی وەرگرتنی میوانەکانی ئەمڕۆی نییە".

ئاماژەی بەوەشکرد، "یاسا لە سەرووی هەمووانە و ئەو خەڵکانەی ئەمڕۆ دێن بەهیچ شێوەیەک داوای مۆڵەتیان نەکردووە".

پارێزگاری هەولێر وتیشی، "لەڕێگەی فراکسیۆنەکانەوە وتاری خۆتان ئاڕاستەی بەغدا بکەن، نەک لە هەرێمی کوردستانەوە بەو یەکترشکانەی کە هەیە کاربکرێت".

AM:10:56:09/02/2025

ئه‌م بابه‌ته 2732 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت