كه‌شناسی هه‌رێم: لە سلێمانی و هەندێك لە قەزا و ناحیەكان بەفر ده‌بارێت
وێستگه‌نیوز-
به‌ڕێوه‌به‌رایه‌تی كه‌شناسی سه‌ر به وه‌زاره‌تی گواستنه‌وه‌ی هه‌رێم رایگه‌یاند كه ئه‌مڕۆ و سبه‌ینێ به‌فر و باران بارین به‌رده‌وام ده‌بێت و پله‌كانی گه‌رماش نزمتر ده‌بنه‌وه.
به‌ڕێوه‌به‌رایه‌تی كه‌شناسی هه‌رێم له راگه‌یه‌ندراوێكدا ئاماژه‌ی به‌وه‌دا كه "ئه‌مڕۆ هه‌ینی 7ی شوباتی 2025 ئاسمان لە نێوان نیمچە هەور و هەوری تەواو دەبێت لەگەڵ ئەگەری بارینی نمە بارانی پچر پچر لەناوچە جیاجیاکانی هەرێم . لە ناوچە شاخاوییە سنوریەكانی باكوری ڕۆژهەڵات ئەگەری كەمێك بەفر بارین هەیە ".
كه‌شناسی ده‌ڵێت: "پله‌كانی گه‌رما زیك دەبێتەوە لە تۆمارکراوەکانی دوێنێ. خێرایی با 10 – 20 كیلۆمه‌تر ده‌بێت له كاتژمێرێكدا و ئاراسته‌ی با باكووری خۆرهه‌ڵات و مه‌ودای بینین 8 - 10 كیلۆمه‌تر ده‌بێت".
ئه‌وه‌شی خسته‌ڕوو كه "سبه‌ینێ شه‌ممه 8- 2- 2025 ئاسمان هەوری تەواو دەبێت لەگەڵ بارینی نمە باران لە ناوچە جیاجیاكان هەندێك كات بارانی مامناوەند دەبارێت بە تایبەت لە بەشی باشووری هەرێم و ئیدارەی گەرمیان و بەشێك لە پارێزگای سلێمانی . هەروەها لە ناوچە شاخاویەكان بەفر بارینمان دەبێت و پێشبینی دەكرێت لە پارێزگای سلێمانی و هەندێك لە قەزا و ناحیەكانی ڕۆژهەڵاتی هەرێم بەفر بارین هەبێت ".
روونیشیكرده‌وه كه "پله‌كانی گه‌رما كەمێك نزمتر دەبێت بەراورد بە تۆمارەکانی ئەمرۆ. خێرایی با 10 - 20 كیلۆمه‌تر ده‌بێت. ئاراسته‌ی با باكووری خۆرهه‌ڵات و مه‌ودای بینین 8 - 10 كیلۆمه‌تر ده‌بێت".
راشیگه‌یاند كه به‌رزترین پله‌كانی گه‌رمای پێشبینیكراو به پله‌ی سیلیزی به‌مشێوه‌یه ده‌بێت:
هەولێر : 11 پلەی سیلیزی
سلێمانی : 8 پلەی سیلیزی
دهۆک : 12 پلەی سیلیزی
کەرکوک : 12 پلەی سیلیزی
زاخۆ : 13 پلەی سیلیزی
هەڵەبجە : 10 پلەی سیلیزی
حاجی ئۆمەران: 0 پلەی سیلیزی
سۆران: 10 پلەی سیلیزی
گەرمیان : 15 پلەی سیلیزی
AM:11:05:07/02/2025
ئه‌م بابه‌ته 1140
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت