نێچیرڤان بارزانی: پێویستە پەلە بکرێت لە پێکهێنانی کابینەی نوێی حکومەتی هەرێمی کوردستان
وێستگەنیوز_
نێچیرڤان بارزانی، سەرۆکی هەرێمی کوردستان لەگەڵ نوێنەری تایبەتی سکرتێری گشتیی نەتەوە یەکگرتووەکان لە عێراق کۆبووەوە.
بەگوێرەی راگەیەندراوێکی سەرۆکایەتیی هەرێمی کوردستان ، پێشنيوه‌ڕۆى ئه‌مڕۆ چوارشه‌ممه 5ـی 2ـی 2025، نێچيرڤان بارزانى، له كۆبوونه‌وه‌يه‌كدا له‌گه‌ڵ محه‌ممه‌د ئه‌لحه‌سان، نوێنەری تایبەتی سکرتێری گشتيی نەتەوە یەکگرتووەکان لە عێراق، دۆخى عێراق و هه‌رێمى كوردستان و بواره‌كانى هاوکاريی نێوان نەتەوە یەکگرتووەکان و عێراق و هەرێمی کوردستانیان تاوتوێ کرد.
ئاماژەی بەوەشکردووە، له كۆبوونه‌وه‌كه‌دا جەخت لەسەر گرنگيی پاراستنى سەقامگیريی سیاسی له عێراق کراوەتەوە، بۆ ئه‌و مه‌به‌سته‌ش پتەوکردنی هاريكاريى نێوان بەغدا و هەولێر و چاره‌سه‌ركردنى كێشه‌كانى نێوان هه‌ردوولايان به گفتوگۆ و لێكگه‌يشتن به پێويست زانى.
هاوکات، هەردوولا "هاوڕا بوون له‌سه‌ر پێويستيى په‌له‌كردن له پێكهێنانى كابينه‌ى نوێى حكومه‌تى هه‌رێمى كوردستان."
سەرۆکایەتیی هەرێمی کوردستان دەڵێت، رۆڵی نەتەوە یەکگرتووەکان و رێکخراوە مرۆییەکان و دۆخى ئاواره و په‌نابه‌ران له هه‌رێمى كوردستان، خرانە به‌ر باس و له‌و باره‌يه‌وه، داكۆكى لەسەر بەردەواميی پشتگیريی نەتەوە یەکگرتووەکان بۆ عێراق و هەرێمی کوردستان لە بوارە جیاوازەکاندا و هاوکاری و هەماهەنگيی بەردەوامى نێوانيان کرايه‌وه.
PM:01:33:05/02/2025
ئه‌م بابه‌ته 944
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت