لە شەڕی نێوان چەند گەنجێکدا لە رانیە کەسێک کوژرا و سێی دیکەش برینداربوون
وێستگەنیوز_
بەڕێوەبەرایەتیی پۆلیسی راپەڕین رایگەیاند لە شەڕەکەی بەرەبەیانیی ئەمڕۆدا لە رانیە، چوار گەنج بە گولـلە بریندار بوون.
بەپێی راگەیەندراوەکە، شەڕەکە کاتژمێر 01:00ـی بەرەبەیانیی ئەمڕۆ 26ـی 1ـی 2025 روویداوە و تێیدا دوو گەنجی خوێندکار و دوو کاسبکار بە گوللـە بریندار بوون.
ئاماژەی بەوەشکردووە، "چوار کەس بەناوەکانی (د، ج، ئـ) ڕەگەزی نێر لە دایکبووی ساڵی 2007، پیشە خوێندکار دانیشتووی ڕانیە گەڕەکی کێوەڕەش، (ب، م، ئـ) ڕەگەزی نێر لە دایکبووی ساڵی 2009، پیشە خوێندکار دانیشتووی ڕانیە گەڕەکی کێوەڕەش، (ژ، أ، ک) ڕەگەزی نێر لە دایکبووی ساڵی 2004 پیشە کاسب دانیشتووی ڕانیە گەڕەکی ولادە و ( بــ، ف، ک) ڕەگەزی نێر لە دایڪبووی ساڵی 2004 پیشە کاسب دانیشتووی ڕانیە گەڕەکی سەرا بەبرینداری گەیەندرانە نەخۆشخانەی گشتی ڕانیە کە شوێنەواری فیشەک بە جەستەیانەوە بوو."
پۆلیسی راپەڕین دەڵێت، سێ لە بریندارەکان دوای ئەوەی لە نەخۆشخانەی گشیی رانیە چارەسەری سەرەتاییان پێدراوە، بەهۆی سەختیی برینەکانیانەوە رەوانەی شاری سلێمانی کراون، بەڵام یەکێک لەو سێ کەسە لە رێگەدا بەهۆی سەختیی برینەکەی گیانی لەدەستداوە.
تۆمەتبارانی رووداوەکە بە بڕیاری دادوەری لێکۆڵینەوە بە پێی مادەکانی 406 و 405 ف31 لە یاسای سزادانی عێراقی، بڕیاری راگرتیان دراوە.
بە گوێرەی زانیارییەکان، ئەو کەسەی کوژراوە، ناوی ژیناڵ ئیبراهیم، تەمەنی 23 ساڵ و کارمەندی دژە تیرۆر بووە.
بۆ بینینی ڤیدیۆی ساتی کوژرانی گەنجەکە،
کلیک بکەAM:11:07:26/01/2025
ئه‌م بابه‌ته 1640
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت