بەهۆی بۆردومانی تورکیاوە لە 15 رۆژی مانگرتندا لە بەنداوی تشرین 17 مەدەنی گیانیان لەدەستداوە
وێستگەنیوز_
لە بۆردومانەكانی توركیادا بۆ سەر بەنداوی تشرین 17 هاوڵاتی مەدەنی گیانیان لەدەستداوە. هێزەکانی سوریای دیموکرات (هەسەدە) دەڵێت: لە 24 کاتژمێردا 14 چەكداری هاوپەیمانی توركیا كوژراون.
میدیاكانی رۆژئاوا دەڵێن: لە ماوەی 15 رۆژی مانگرتن لەسەر بەنداوی تشرین بەهۆی بۆردومانی فڕۆكە جەنگییەكانی توركیا 17 هاوڵاتی مەدەنی گیانیان لەدەست داوە و 92 كەسی دیكەش برینداربون.
لە لایەكی دیكەوەی راگەیاندنی هێزەكانی سوریای دیموكرات رایگەیاندووە، لە ماوەی 24 کاتژمێردا و لە شەڕ و پێكدادانەكانی نێوان شەڕڤانان و چەكدارانی سووری هاوپەیمانی توركیا، 14 چەكدار كوژراون.
ئاماژەی بەوەشكردوە زۆربەی ئەو چەكدارانە لە پێكدادانەكای گوندەكانی دەوروبەری مەنبج و بە درۆنی شەڕڤانان كوژراون.
هاوكات، هەسەدە ناوی حەوت شەڕڤانی هێزەكانیی بڵاوكردووەتەوە كە لە شەڕی بەرگریی لە بەنداوی تشرین و لە پێكدادانەكانی باكووری رۆژهەڵاتی سووریا گیانیان لەدەستداوە.
AM:11:57:23/01/2025
ئه‌م بابه‌ته 376
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت