فراکسیۆنی یەکگرتوو: وەك ئۆپۆزیسیۆنێكی كارا دەمێنینەوە و بەشداریی حکومەت ناکەین
وێستگەنیوز_
فراکسیۆنی یەکگرتوو لە پەرلەمانی کوردستان رایگەیاند، "وەك ئۆپۆزیسیۆنێكی كارا دەمێنینەوە و بەشداریی حکومەت ناکەین".
مستەفا عەبدوڵڵا، سەرۆكی فراكسیۆنی یەكگرتوو لە كۆنگرەیەكی رۆژنامەوانیدا رایگەیاند، پێشتر هەڵوێستی خۆیان روون و ئاشكرا بۆ خەڵكی هەرێمی كوردستان و تەواوی حزبە سیاسییەكان راگەیاندووە و وەك ئۆپۆزیسیۆنێكی كارا دەمێننەوە و بەشداریی حکومەت ناکەن.
ئاماژەی بەوەشکرد، "بەهیچ شێوەیەك بەشداری لە پێكهێنانی حكومەت ناكەین و ئێمە بڕیارمانداوە و لەو بڕوایەشداین كە پەرلەمانی كوردستان پێویستی بە ئۆپۆزیسیۆنێكی كارا هەیە و ئێمە بەشداری لە كۆبوونەوەی ئەمڕۆی پەلەمانی كوردستان دەكەین".
ئەوەشی خستەڕوو، ئەو دەستپێشخەرییەی كە سەرۆكی جوڵانەوەی نەوەی نوێ باسی لێوەكرد زۆر ناواقیعییە و بەو شێوازە نییە كە ئەو باسی لێوەدەكات، پێشنیارەکەی قابیلی وەڵامدانەوە نەبوو، چونکە چەند دەلیلێک هەبوو لەسەر ناجددیی بوونی پێشنیارەکە.
PM:12:55:22/01/2025
ئه‌م بابه‌ته 912
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت