وەزارەتی کارەبای هەرێم هۆکاری کەمبوونەوەی کارەبا ئاشکرادەکات

وێستگەنیوز-

وەزارەتی کارەبای حکومەتی هەرێمی کوردستان لەبارەی کەمبوونەوەی کاتژمێرەکانی کارەبا روونکردنەوەیەکی بڵاوکردەوە.

لە راگەیەندراوەکەدا وەزارەتی کارەبای هەرێمی کوردستان رایگەیاند، "هاوبەشانی کارەبا ئاگادار دەكەینەوە لە چوارچێوەی پەرەپێدانی كێڵگەی كۆرمۆر بۆ بەرهەمهێنانی غاز، بۆ ماوەی 10 كاتژمێر پەستانی غاز كەمبووەتەوە و بەهۆیەوە 750 مێگاوات كارەبا كەمبووەتەوە".

ئاماژە بەوەکراوە، "بەهۆی هەندێ گرفتی تەكنیكییەوە کارەکان دواكەوتووە و بەپێی ئەو پلانەی كۆمپانیای دانەغاز دایناوە بڕیارە تا كاتژمێر 8:00ی بەیانی رۆژی شەممە دۆخەكە ئاسایی بێتەوە".

باس لەوەشکراوە، " تیمەكانی كۆنترۆڵی كارەبا بە هەماهەنگی لەگەڵ تیمەكانی بەرهەمهێنانی كارەبا بڕی 250 مێگاوات كارەبایان لە هەردوو وێستگەی دوکان و دەربەندیخان زیاد كردووە".

AM:09:25:18/01/2025

ئه‌م بابه‌ته 920 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت