مامۆستایانی گرێبه‌ست داواكارن به‌زووترین كات مووچه‌ی مانگی 12 دابه‌ش بكرێت
وێستگه‌نیوز-
نوێنه‌ری گشتی مامۆستایانی گرێبه‌ست رایگه‌یاند كه داواكارن حكومه‌تی هه‌رێم مووچه‌ی مانگی 12 دابه‌ش بكات، به‌وپێیه‌ی له داهاتی ناوخۆیه‌وه و په‌یوه‌ندی به هاتنی پاره له به‌غداوه نییه.
ئه‌مڕۆ دووشه‌ممه 13ی كانوونی دووه‌می 2025/ كارۆخ عه‌بدوڵا نوێنه‌ری گشتی مامۆستایانی گرێبه‌ست له راگه‌یه‌ندراوێكدا كه وێنه‌یه‌كی ده‌ست وێستگه كه‌وتووه، رایگه‌یاند كه "داواكارین حكومه‌تی هه‌رێم، وه‌زاره‌تی دارایی به‌زووترین كات مووچه‌ی مانگی (12)ی مامۆستایانی گرێبه‌ست دابه‌ش بكات، چونكه مووچه‌كه‌نمان له‌داهاتی ناوخۆیه و په‌یوه‌ندی نییه به هاتنی پاره‌ی به‌غداوه".
كارۆخ عه‌بدوڵا ده‌ڵێت: "كۆی مووچه‌كانمان بۆ هه‌ر مانگێك نزیكه‌ی (19) ملیار دیناره بۆ سه‌رجه‌م مامۆستایانی گرێبه‌ست كه ژماره‌یان نزیكه‌ی (38)هه‌زار مامۆستایه".
راشیگه‌یاندووه كه "تائێستا مامۆستایانی گرێبه‌ستی سنووری په‌روه‌رده‌كانی هه‌ولێر و دهۆك و كه‌ركوك شایسته‌ی مانگه‌كانی (7 و 8)ی ساڵی 2024یان وه‌رنه‌گرتووه و بڕیاره له‌م چه‌ند رۆژه‌دا دابه‌ش بكرێت".
PM:07:47:13/01/2025
ئه‌م بابه‌ته 768
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت