له هه‌ولێر ئافره‌تێك له‌لایه‌ن براكه‌یه‌وه كوژرا
وێستگه‌نیوز، شاهین فوئاد-
له شاری هه‌ولێر ئافره‌تێك كه ئه‌ندامی یه‌كێك له هێزه ئه‌منییه‌كانه، كوژرا و به‌پێی زانیارییه‌كان له‌لایه‌ن براكه‌یه‌وه له‌سه‌ر كێشه‌یه‌كی كۆمه‌ڵایه‌تی كوژراوه.
به‌گوێره‌ی ئه‌و زانیارییانه‌ی ده‌ست په‌یامنێری وێستگه‌نیوز كه‌وتوون، ئه‌مشه‌و له نزیک ئاوی مەرعودا نزیک شه‌قامی 150 مه‌تری ئافره‌تێك كوژرا.
وه‌ك ئه‌وه‌ی ده‌ست په‌یامنێرمان كه‌وتووه، ئافره‌ته كوژراوه‌كه ته‌مه‌نی 26 ساڵه و ناوی (ژ.)ه و ئه‌ندامی هێزی زێره‌ڤانی-یه.
به‌پێی زانیارییه سه‌ره‌تاییه‌كان، بكوژ ته‌مه‌نی 30 ساڵه و برایه‌تی و دوای ئه‌نجامدانی تاوانه‌كه هه‌ڵاتووه و تا ئێستا ده‌ستگیر نه‌كراوه.
له ئێستاشدا ته‌رمی ئافره‌ته كوژراوه‌كه گوازراوه‌ته‌وه بۆ پزیشكی دادی هه‌ولێر بۆ توێكاری هێزه ئه‌منییه‌كان گه‌یشتوونه‌ته شوێنی رووداوه‌كه و لێكۆڵینه‌وه ده‌ستی پێكردووه.
په‌یامنێری وێستگه چه‌ند جارێك په‌یوه‌ندی به لایه‌نه ئه‌منییه‌كانه‌وه كرد بۆ وه‌رگرتنی زانیاریی زیاتر، به‌ڵام په‌یوه‌ندیه‌كان به‌رده‌ست نه‌بوون.
PM:11:04:11/01/2025
ئه‌م بابه‌ته 2680
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت