بڕی‌ بارانبارینی‌ 12 كاتژمێری‌ رابردوو راگه‌یه‌ندرا

وێستگه‌نیوز-
به‌ڕێوه‌به‌رایه‌تی‌ كه‌شناسی‌ سه‌ر به‌ وه‌زاره‌تی‌ گواستنه‌وه‌ی‌ هه‌رێم بڕی‌ بارانبارینی‌ 12 كاتژمێری‌ رابردووی‌ ناوچه‌كانی‌ هه‌رێمی‌ راگه‌یاند و ئاماژه‌ی‌ به‌وه‌دا كه‌ زۆرترین باران له‌  شه‌مامك باریوه‌ كه‌ 20.7 ملیمه‌تر بووه‌.

كه‌شناسی‌ هه‌رێم له‌ راگه‌یه‌ندراوێكدا ئاماژه‌ی‌ به‌وه‌دا كه‌ له‌ 12 كاتژمێری‌ رابردوودا له‌ شاری‌ هه‌ولێر  15.6 ملیمه‌تر و له‌ سلێمانی  1.5 ملیمه‌تر و له‌ دهۆك  2.4 ملیمه‌تر و له‌ كه‌ركوك  4.4 ملیمه‌تر باریوه‌.

ئه‌وه‌شی‌ خسته‌ڕوو كه‌ هاوكات له‌ پیرمام  14.2 ملیمه‌تر و له‌ چه‌مچه‌ماڵ  4.5 ملیمه‌تر و  له‌ زاخۆ  4 ملیمه‌تر باران باریوه‌.

راشیگه‌یاند كه‌ له‌ هه‌مان ماوه‌دا له‌ شه‌مامك زۆرترین باران باریوه‌ كه‌  20.7 ملیمه‌تر و له‌ خورماتووش  2.4 ملیمه‌تر باریوه‌.

PM:10:23:11/01/2025

ئه‌م بابه‌ته 1052 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت