گەشتیارێکی عەرەب لە هەرێمی کوردستان گیانی لەدەستدا

وێستگەنیوز- سازگار ئەحمەد

بەیانیی ئەمڕۆ گەشتیارێکی بە رەگەز عەرەب لە گەلی عەلی بەگ لە سنووری ئیدارەی سەربەخۆی سۆران هەڵدێراوە و گیانی لەدەستداوە.

رەوند هاودیانی، وتەبێژی بەرگریی شارستانیی سۆران بە وێستگەنیوزی راگەیاند، "بەیانیی ئەمڕۆ سێشەممە 7ی کانونی یەکەمی 2025 گەشتیارێکی بە رەگەز عەرەب لە گەلی عەلی بەگ تووشی هەڵدێران بووە و گیانی لەدەستداوە و تیمەکانمان سەرقاڵی هێنانەوەی تەرمەکەین".

ئاماژەی بەوەشکرد، "ئەو هاوڵاتییە وەک رێبەری گەشتیاری کاری کردووە و ناوی (م.ا.ع) و لەدایکبووی ساڵی 1991ە، خەڵکی بەسرەیە و لە شاری هەولێر نیشتەجێیە".

AM:09:32:07/01/2025

ئه‌م بابه‌ته 2364 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت