پاسپۆرتی هەولێر هاوڵاتییان ئاگاداردەکاتەوە
وێستگەنیوز-
بەڕێوەبەرایەتیی پاسپۆرتی هەولێر ئاگاداری هاوڵاتییان دەکاتەوە کەوا وەرگرتنی مامەلەی پاسپۆرتی جۆری A سیستمی کۆن وەستاوە.
ئەمڕۆ یەکشەممە 5ی کانونی دووەمی 2025، بەڕێوەبەرایەتیی پاسپۆرتی هەولێر رایگەیاند، "ئاگاداری هاوڵاتییان دەکەینەوە کەوا وەرگرتنی مامەلەی پاسپۆرتی جۆری A سیستەمی کۆن وەستاوە و هاوڵاتییان تەنها دەتوانن دوای دانانی نۆڕە پاسپۆرتی نوێی ئەلیکترۆنی جۆری B دەربهێنن".
ئاماژە بەوەکراوە، "ئەو هاوڵاتییانەی کە لە ماوەی پێشوودا پەنجەمۆریان کردبوو، تەنها وەرگرتنەوەیان مابوو لە پاسپۆرتی جۆری A دەتوانن سەردانمان بکەن بۆ وەرگرتنەوەی پاسپۆرتەکانیان".
ئەوەشخراوەتەڕوو، "دانەوەی پاسپۆرتی جۆری A لە بەرێوەبەرایەتیی پاسپۆرتی پارێزگای هەولێرە لە گەڕەکی 32 پارک پشت بەشی مۆڵەتی هاتووچۆی هەولێر لە رۆژانی دەوامی فەرمی".
PM:12:10:05/01/2025
ئه‌م بابه‌ته 2692
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت