"219 هەزار مووچەخۆر لەڕێگەی هەژماری من مووچە مانگی 11 وەردەگرن"

وێستگەنیوز- شاهین فواد

ئەمڕۆ یەکشەممە 5ی کانونی دووەمی 2025، دابەشکردنی مووچەی مانگی 11ی 2024 دەستیپێکرد، بەرپرسی میدیایی و راگەیاندنی پڕۆژەی هەژماری من رایدەگەیەنێت، بۆ ئەم مانگە 219 هەزار کەس لەڕێگەی هەژماری من-وە مووچە وەردەگرن.

رێبین کامەران، بەرپرسی میدیایی و راگەیاندنی پڕۆژەی هەژماری من بە وێستگەنیوزی راگەیاند، "بۆ مووچەی مانگی 11 ئەو مووچەخۆرانەی لە رێگەی هەژماری من-وە مووچە وەردەگرن ژمارەیان 219 هەزار مووچەخۆرە".

ئاماژەی بەوەشکرد، "لەو 219 هەزارە مووچەخۆرە 37 هەزار 500 پێشمەرگەن، 181 هەزار 830 فەرمانبەری مەدەنین و 65 هەزار و 350یان مامۆستان".

بەرپرسی میدیایی و راگەیاندنی پڕۆژەی هەژماری من ئەوەشی خستەڕوو، "تائێستا 720 هەزار کەس لە هەژماری من تۆمارکراون لە کۆی یەک ملیۆن سوومەند، هەروەها 550 ئامێری ATM دانراوە لە 200 شوێن".

AM:11:12:05/01/2025

ئه‌م بابه‌ته 2896 جار خوێنراوه‌ته‌وه‌‌

لێرەوە کۆمێنت بنوسە لە فەیسبوک دەردەکەوێت