توركیا گوندێكی چۆمانی بۆردوومان كرد
وێستگه‌نیوز-
كامه‌ران عوسمان، ئه‌ندامی تیمی كوردستانی عێراقی رێكخراوی (CPT)ی ئه‌مریكی رایگه‌یاند كه سوپای توركیا بۆردوومانی گوندی وه‌رده‌ی قه‌زای چۆمانی كرد.
كامه‌ران عوسمان له راگه‌یه‌ندراوێكدا ده‌ڵێت: "له كاتژمێر 4:15 خوله‌كی دوانیوه‌ڕۆی ئه‌مڕۆ، فڕۆكه‌یه‌كی بێفڕۆكه‌وانی توركیا بۆردوومانی به‌رزاییه‌كانی نه‌ڵمێ له سنوری گوندی وه‌رده‌ی سه‌ر به قه‌زای چۆمانی كرد".
ئاماژه‌شی به‌وه‌دا كه "ماوه‌ی دوو هه‌فته‌یه فڕۆكه بێفڕۆكه‌وانه‌كانی توركیا به‌سه‌ر چیا و به‌رزاییه‌كانی سنوری قه‌زای چۆمان و گه‌ڵاڵه‌ی باڵه‌كایه‌تییدا ده‌سوڕێنه‌وه.
كامه‌ران عوسمان راشیگه‌یاند كه "له بۆردوومانه‌كه‌ی ئه‌مڕۆدا هیچ هاووڵاتییه‌كی مه‌ده‌نی نه‌بووه‌ته قوربانی".
PM:09:59:25/12/2024
ئه‌م بابه‌ته 440
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت