سالار سه‌رحه‌د سه‌باره‌ت به پۆستی سه‌رۆكی هه‌رێم بۆ یه‌كێتی و قوباد تاڵه‌بانی: له گفتوگۆداین
وێستگه‌نیوز-
سالار سه‌رحه‌د ئه‌ندامی سه‌ركردایه‌تی یه‌كێتیی نیشتمانیی كوردستان رایگه‌یاند كه له‌سه‌ره‌تای ساڵی نوێدا وتووێژه‌كانیان له‌گه‌ڵ پارتی دیموكرات بۆ گه‌یشتن به رێككه‌وتن و پێكهێنانی حكومه‌تی هه‌رێم ده‌ستپێده‌كه‌نه‌وه.
سالار سه‌رحه‌د ئه‌ندامی سه‌ركردایه‌تی یه‌كێتیی نیشتمانیی كوردستان له لێدوانێكی تایبه‌تدا بۆ وێستگه‌نیوز، وتی: "یه‌كێتی له‌گه‌ڵ یه‌كڕیزی هه‌موو لایه‌نه‌كاندایه".
وتیشی: "شاندی دانوستانكاری یه‌كێتی و پارتی له دوای سه‌ری ساڵ كۆده‌بنه‌وه له‌سه‌ر پێكهێنانی حكومه‌ت".
ئه‌وه‌شی خسته‌ڕوو كه "دوای سه‌ری ساڵ كۆبوونه‌وه‌كانی دانوستانی ئێمه و پارتی دیموكراتی كوردستان ده‌ستپێده‌كاته‌وه و به‌رده‌وام ده‌بێت بۆ پێكهێنانی حكومه‌ت به زووترین كات".
روونیشیكرده‌وه كه "له دوای سه‌ری ساڵی تازه‌وه كۆبوونه‌وه‌كان به‌رده‌وام ده‌بێت و وه‌ك یه‌كێتی له‌گه‌ڵ ئه‌وه‌ین زوو بگه‌ین به رێككه‌وتن و بتوانین حكومه‌تی هه‌رێمی كوردستان پێكبهێنین".
سالار سه‌رحه‌د له وه‌ڵامی ئه‌و پرسیاره‌ی ئایا پۆستی سه‌رۆكی هه‌رێم بۆ یه‌كێتی و قوباد تاڵه‌بانی ده‌بێت، ده‌ڵێت: "له گفتوگۆداین".
PM:10:06:23/12/2024
ئه‌م بابه‌ته 5008
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت