هاتووچۆی هەولێر مامەڵەی هاوڵاتیان هەتا دوای ساڵی نوێ رادەگرێت
وێستگەنیوز_
بەڕێوەبەرایەتیی هاتووچۆی هەولێر رایدەگەیەنێت، لە دوانیوەڕۆی ئەمڕۆوە مامەڵەکانی هاوڵاتیان رادەگرێت تاوەکو دەستپێکردنەوەی دەوام لە سەرەتای ساڵی نوێ.
بەڕێوەبەرایەتیی هاتووچۆی هەولێر لە هەژماری فەیسبووک رایگەیاندووە، "ئاگاداری سەرجەم هاوڵاتیان و شۆفێران دەکەینەوە؛ رۆژی دووشەممە 23ـی 12ـی 2024 بەهۆى كۆتايیهاتنى ساڵى ژمێريارى و لەدوای کاتژمێر 01:00ـی دوانیوەڕۆ، بەشی ژمێریاری لە بەڕێوەبەرایەتییەکەمان کارەکانی رادەگرێت."
هەروەها دەڵێت: "رايیكردنى مامەڵەی هاوڵاتیان لە بەڕێوەبەرایەتییەکەمان تاوەکو دەستپێکردنەوەی دەوام لە سەرەتای ساڵی نوێ، دەوەستێت بۆیە داوا لە هاوڵاتیان دەکەین لەو ماوەیە دیاریکراوەدا، سەردانمان نەکەن."
هاتووچۆی هەولێر سەبارەت بە بەسەرچوونی هەر مامەڵەیەک لە ماوەی ئەم راگرتنە تاوەکو دەستپێکردنەوەی دەوام لە ساڵی 2025، وەک ساڵانە، مۆڵەت، ماوەی تۆمارکردنى ئۆتۆمبێل و گرێبەستی ئەلیکترۆنی، دەڵێت: "بۆیان قەرەبوو دەکرێتەوە و هیچ کەسێک تووشی سزای پێبژاردنی دواکەوتن نابێت."
AM:09:53:23/12/2024
ئه‌م بابه‌ته 488
جار خوێنراوه‌ته‌وه
لێرەوە کۆمێنت بنوسە لە فەیسبوک دەردەکەوێت